ವಿಡಿಯೋ ಗೇಮ್ಸ್ ಅಂದ್ರೆ ಸಾಕು ಅದರ ಬಗ್ಗೆ ನೆಗೆಟಿವ್ ಕಮೆಂಟ್ಸ್ ಕೊಡೋರೇ ಜಾಸ್ತಿ. ಆದರೆ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯ ನಡೆಸಿದ ಹೊಸ ಅಧ್ಯಯನದಲ್ಲಿ ವಿಡಿಯೋ ಗೇಮ್ನಿಂದ ಮಾನಸಿಕ ಆರೋಗ್ಯ ಸುಧಾರಿಸುತ್ತೆ ಎಂಬ ಹೊಸ ಅಂಶ ಬಯಲಾಗಿದೆ.
ವಿಡಿಯೋ ಗೇಮ್ಗಳ ವಿಚಾರದಲ್ಲಿ ಪಾಸಿಟಿವ್ ಫಲಿತಾಂಶ ನೀಡಿದ ಮೊದಲ ಅಧ್ಯಯನ ಇದಾಗಿದೆ. ಸುಮಾರು 3274 ಮಂದಿ ಮೇಲೆ ಈ ಸಮೀಕ್ಷೆ ನಡೆಸಲಾಗಿತ್ತು. ಸಮೀಕ್ಷೆಯಡಿಯಲ್ಲಿ ಸಂಶೋಧಕರು ಇವರಿಗೆಲ್ಲ ವಿಶ್ವದ ಪ್ರಸಿದ್ಧ ವಿಡಿಯೋ ಗೇಮ್ಗಳಾದ ಪ್ಲಾಂಟ್ಸ್ ವರ್ಸಸ್ ಜೋಂಬಿನ್ ಹಾಗೂ ಆನಿಮಲ್ ಕ್ರಾಸಿಂಗ್ ಎಂಬ 2 ಗೇಮ್ಗಳನ್ನ ಬಳಸಿಕೊಂಡಿದ್ದರು. ಹಾಗೂ ಗೇಮರ್ಗಳ ಮೇಲೆ ನಿಗಾ ಇಡಲಾಗಿತ್ತು.
ಈ ಅಧ್ಯಯನದ ಕೊನೆಯಲ್ಲಿ ವಿಡಿಯೋ ಗೇಮ್ನಿಂದ ಆರೋಗ್ಯದ ಮೇಲೆ ಯಾವುದೇ ರೀತಿಯ ಹಾನಿ ಉಂಟಾಗೋದಿಲ್ಲ ಎಂಬ ಅಚ್ಚರಿಯ ಫಲಿತಾಂಶ ಹೊರಬಿದ್ದಿದೆ. ವಿಡಿಯೋ ಗೇಮ್ ಆಡುವಾಗ ಗೇಮರ್ಗಳ ಮೇಲೆ ಗಮನಾರ್ಹ ಪರಿಣಾಮ ಬೀರುವ ಅಂಶಗಳು ಬೆಳಕಿಗೆ ಬಂದಿವೆ. ಗೇಮ್ ವೇಳೆ ಆಟಗಾರರ ಅನುಭವಿಸಿದ ಭಾವನೆಗಳು ಮಾನಸಿಕ ಆರೋಗ್ಯದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುವಂತಿವೆ ಎಂದು ಅಧ್ಯಯನ ಹೇಳಿದೆ.
Loading ...