ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್ ಒಳ್ಳೆಯ ಕಾರ್ಯಕ್ಕಿಂತ ಜಾಸ್ತಿ ಯಡವಟ್ಟುಗಳ ಮೂಲಕವೇ ಸುದ್ದಿ ಮಾಡ್ತಿರ್ತಾರೆ. ಹೀಗಾಗಿ ಸೋಶಿಯಲ್ ಮೀಡಿಯಾದಲ್ಲಿ ಪಾಕಿಸ್ತಾನ ಪ್ರಧಾನಿ ವಿರುದ್ಧ ದಿನಕ್ಕೊಂದು ಟ್ರೋಲ್ ಹರಿದಾಡ್ತಾನೇ ಇರುತ್ತೆ. ಇದೀಗ ಮತ್ತೊಂದು ಯಡವಟ್ಟಿನ ಮೂಲಕ ಇಮ್ರಾನ್ ಖಾನ್ ಟ್ರೋಲಿಗರ ಬಾಯಿಗೆ ಆಹಾರವಾಗಿದ್ದಾರೆ.
ಇತ್ತೀಚೆಗೆ ಪಾಕಿಸ್ತಾನ ಪತ್ರಕರ್ತೆ ನಾಯ್ಲಾ ಇನಾಯತ್ ಎಂಬವರು ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋವನ್ನ ಶೇರ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಇಮ್ರಾನ್ ಖಾನ್ ದೇಶದ ನಿವಾಸಿಗಳನ್ನ ಉದ್ದೇಶಿಸಿ ಮಾತನಾಡುತ್ತಿದ್ದಾರೆ.
ಇದರ ಜೊತೆಯಲ್ಲಿ ಇಮ್ರಾನ್ ವಿಪಕ್ಷದವರಿಗೂ ಟಾಂಗ್ ನೀಡುತ್ತಿದ್ದರು. ಭಾಷಣ ಮಾಡುತ್ತಾ ಮಾಡುತ್ತಾ ಇಮ್ರಾನ್ ಖಾನ್ ಮುಂದಿನ ಸಾಲುಗಳನ್ನೇ ಮರೆತಿದ್ದಾರೆ. ‘ಇದು ಎಲ್ಲಾ……ದೊಡ್ಡ-ದೊಡ್ಡ, ದೊಡ್ಡ-ದೊಡ್ಡ, ಏನಿದೆ ಇದು..? ಏನಾದ್ರೂ ಇರಲಿ’ ಎಂದು ಅರ್ಥವಿಲ್ಲದ ಮಾತುಗಳನ್ನ ಆಡಿದ್ದಾರೆ.
ಟಿವಿಗಳಲ್ಲಿ ಈ ಭಾಷಣ ಲೈವ್ ಟೆಲಿಕಾಸ್ಟ್ ಆಗುತ್ತಿತ್ತು. 17 ಸೆಕೆಂಡ್ನ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
Loading ...