ಗಗನಯಾತ್ರಿಯಾಗಿ ಕೆಲಸ ಮಾಡೋದು ಎಷ್ಟು ಮಜವಾಗಿ ಇರುತ್ತೆ ಅನ್ನೋ ಅಭಿಪ್ರಾಯ ಅನೇಕರಲ್ಲಿದೆ. ಆದರೆ ಈ ಕೆಲಸ ಎಷ್ಟೊಂದು ಸವಾಲಿನದ್ದು ಅನ್ನೋದು ಗಗನಯಾತ್ರಿಗಳಿಗೇ ಗೊತ್ತು. ಬಾಹ್ಯಾಕಾಶದಲ್ಲಿರುವ ಗಗನಯಾತ್ರಿಯೊಬ್ಬರು ಶಾಂಪೂ ಹಾಕಿ ತನ್ನ ಕೂದಲನ್ನೂ ಕಷ್ಟಪಟ್ಟು ತೊಳೆಯುತ್ತಿರುವ ಹಳೆಯ ವಿಡಿಯೋ ಇದೀಗ ವೈರಲ್ ಆಗಿದೆ.
ನಾಸಾ ಗಗನಯಾತ್ರಿ ಕರೆನ್ ನೈಬರ್ಗ್ ತಮ್ಮ ಕೂದಲನ್ನ ಬಾಹ್ಯಾಕಾಶದಲ್ಲಿ ತೊಳೆದುಕೊಳ್ಳೋಕೆ ಹರಸಾಹಸ ಪಟ್ಟಿದ್ದಾರೆ. ತಲೆಯ ಮೇಲೆ ನೀರು ಹಾಕಿಕೊಂಡ್ರೆ ಶೂನ್ಯ ಗುರುತ್ವಾಕರ್ಷಣ ಬಲದಿಂದಾಗಿ ನೀರು ತೇಲೋಕೆ ಆರಂಭಿಸುತ್ತೆ. ತೇಲುತ್ತಿರುವ ನೀರಿನಲ್ಲೇ ಗಗನಯಾತ್ರಿ ಕಷ್ಟಪಟ್ಟು ಕೂದಲನ್ನ ವಾಶ್ ಮಾಡಿಕೊಳ್ತಾರೆ.
ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡ್ತಾ ಇದ್ದಂತೆ ನೆಟ್ಟಿಗರು ಆಶ್ಚರ್ಯಚಕಿತರಾಗಿದ್ದಾರೆ. ಅನೇಕರು ನೀವಲ್ಲಿ ಲಾಂಡ್ರಿ ಹೇಗೆ ಮಾಡಿಕೊಳ್ತೀರಾ ಅಂತಾ ಕೇಳಿದ್ರೆ…..ಇನ್ನೂ ಕೆಲವರು ನೀವು ಸ್ನಾನದ ನೀರನ್ನ ಕುಡಿಯುತ್ತೀರಾ ಅಂತಾ ಪ್ರಶ್ನೆ ಮಾಡಿದ್ದಾರೆ.
Loading ...