ದೈತ್ಯ ಹಲ್ಲಿಯೊಂದು ಸೂಪರ್ ಮಾರ್ಕೆಟ್ನಲ್ಲಿ ಹರಿದಾಡುತ್ತಿರುವ ದೃಶ್ಯವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಥೈಲ್ಯಾಂಡ್ನ ಸೂಪರ್ ಮಾರ್ಕೆಟ್ ಒಂದರಲ್ಲಿ ಈ ಘಟನೆ ನಡೆದಿದೆ.
ಥೈಲ್ಯಾಂಡ್ನ 7 ಎಲೆವನ್ ಸ್ಟೋರ್ನಲ್ಲಿ ಈ ಎದೆ ಝಲ್ ಎನ್ನಿಸುವ ದೃಶ್ಯವನ್ನ ಸೆರೆಹಿಡಿಯಲಾಗಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗ್ತಿದೆ. ವಿಡಿಯೋದಲ್ಲಿ ದೈತ್ಯ ಹಲ್ಲಿಯೊಂದು ಸೂಪರ್ ಮಾರ್ಕೆಟ್ನ ಕಪಾಟುಗಳ ಮೇಲೆ ಹರಿದಾಡಿದೆ. ನಾಲಿಗೆಯನ್ನ ಒಮ್ಮೆ ಹೊರಹಾಕುತ್ತಾ ಮತ್ತೊಮ್ಮೆ ಒಳಹಾಕುತ್ತಾ ದೈತ್ಯ ಹಲ್ಲಿ ಸೂಪರ್ ಮಾರ್ಕೆಟ್ ಸುತ್ತೆಲ್ಲ ಹರಿದಾಡಿದೆ.
ಟ್ವಿಟರ್ನಲ್ಲಿ ಈ ವಿಡಿಯೋವನ್ನ ಮೊದಲು ಶೇರ್ ಮಾಡಲಾಗಿದ್ದು ಮಿಲಿಯನ್ಗಟ್ಟಲೇ ವೀವ್ಸ್ ಪಡೆದುಕೊಂಡಿತ್ತು. ಆದರೆ ಬಳಿಕ ಟ್ವಿಟರ್ನಲ್ಲಿ ಈ ವಿಡಿಯೋವನ್ನ ಡಿಲೀಟ್ ಮಾಡಲಾಗಿದೆ. ಇದೀಗ ಫೇಸ್ಬುಕ್ ಹಾಗೂ ಯುಟ್ಯೂಬ್ನಲ್ಲಿ ಈ ವಿಡಿಯೋ ಸದ್ದು ಮಾಡ್ತಿದೆ.
ಫಾಲೋಅಪ್ ಟ್ವೀಟ್ನಲ್ಲಿ ಮುಂಡೋ ನೋಮಡಾ ಬ್ಯಾಂಕಾಕ್ ಹಾಗೂ ವಿವಿಧ ಭಾಗಗಳಲ್ಲಿ ಈ ರೀತಿ ದೈತ್ಯ ಹಲ್ಲಿಗಳು ಕಾಣಿಸಿಕೊಳ್ಳೋದು ಕಾಮನ್ ಎಂದು ಹೇಳಿದ್ದಾರೆ. ಆದರೆ ಸೂಪರ್ ಮಾರ್ಕೆಟ್ನಂತಹ ಜನ ಸಂಪರ್ಕ ಇರುವ ಪ್ರದೇಶದಲ್ಲಿ ಕಾಣಿಸಿಕೊಂಡಿದ್ದು ಕೊಂಚ ವಿಚಿತ್ರ ಎನಿಸಿದೆ. ಬಹುಶಃ ಅದು ಮಾಂಸದ ವಾಸನೆ ಗ್ರಹಿಸಿ ಅಲ್ಲಿ ಬಂದಿರಬಹುದು ಎಂದು ಅಂದಾಜಿಸಲಾಗಿದೆ.
Loading ...