ನಿಷ್ಕಲ್ಮಶ ಮನಸ್ಸಿನ ಪುಟ್ಟ ಮಕ್ಕಳು ಏನು ಮಾಡಿದರೂ ಚಂದವೇ. ಅಜ್ಜಿ ಇಟ್ಟ ಕುರುಕಲು ತಿಂಡಿಯನ್ನು ಎಗರಿಸಿಕೊಂಡು ಬಂದು ಸಿಕ್ಕಿಬಿದ್ದ ಪುಟ್ಟ ಬಾಲಕಿ ನಿಂತುಕೊಂಡ ಸ್ಥಿತಿಯಲ್ಲಿ ನಿದ್ದೆ ಮಾಡಿದಂತೆ ನಟಿಸಿ ತಪ್ಪಿಸಿಕೊಳ್ಳಲು ಯತ್ನಿಸಿದ ವಿಡಿಯೋ ತುಣುಕೊಂದು ವೈರಲ್ ಆಗಿದೆ.
ಅಮೆರಿಕದ ಕ್ರಿಸ್ಟಿನ್ ವಾಘನ್ ಸೆರೆ ಹಿಡಿದ ಈ ವಿಡಿಯೊದಲ್ಲಿ ಇಪ್ಪತ್ತು ತಿಂಗಳ ಮಗು ಅಮಲಾಳ ಮುಗ್ಧತೆ ನೆಟ್ಟಿಗರನ್ನು ಖುಷಿಪಡಿಸಿದೆ.
ಕುರುಕುಲ ತಿಂಡಿಯ ಪ್ಯಾಕೆಟ್ ಹಿಡಿದ ಅಮಲಾಳನ್ನು ಅಜ್ಜಿ ಕೂಗಿ ಕರೆಯುತ್ತಿದ್ದಂತೆ ಆಕೆ ನಿಂತಲ್ಲೇ ಕಣ್ಣುಮುಚ್ಚಿಕೊಂಡು ಬಿಡುತ್ತಾಳೆ. ತಾನು ನಿದ್ರಿಸುತ್ತಿದ್ದೇನೆ, ತನಗೇನು ತಿಳಿಯದು ಎಂಬಂತೆ ನಟಿಸುವುದು ವಿಡಿಯೋದಲ್ಲಿ ನೋಡಬಹುದಾಗಿದೆ.