ಮಕ್ಕಳು ಬೇಗ ಮಲಗಿ ಬೇಗ ಏಳುವ ಅಭ್ಯಾಸ ಮಾಡಿಕೊಳ್ಳಬೇಕು. ಆದರೆ ಅನೇಕ ಮಕ್ಕಳು ತಡರಾತ್ರಿವರೆಗೂ ಎಚ್ಚರವಾಗಿಯೇ ಇರುತ್ತಾರೆ. ಹಗಲಿನಲ್ಲಿ ಚೆನ್ನಾಗಿ ಮಲಗಿಬಿಡುತ್ತಾರೆ. ಇದು ಪೋಷಕರ ಇಡೀ ದಿನವನ್ನು ಹಾಳುಮಾಡುತ್ತದೆ. ಅವರು ರಾತ್ರಿ ಸರಿಯಾಗಿ ಮಲಗಲು ಸಾಧ್ಯವಾಗುವುದಿಲ್ಲ ಮತ್ತು ಹಗಲಿನಲ್ಲಿ ಕೆಲಸ ಮಾಡಲು ಕಷ್ಟವಾಗುತ್ತದೆ.
ಮಗುವನ್ನು ರಾತ್ರಿ ಸರಿಯಾದ ಸಮಯಕ್ಕೆ ಮಲಗಿಸಲು ಕೆಲವೊಂದು ಸುಲಭದ ತಂತ್ರಗಳನ್ನು ಅಳವಡಿಸಿಕೊಳ್ಳಬೇಕು. ಮಗುವಿಗೆ ಪ್ರತಿದಿನ ಒಂದೇ ಸಮಯದಲ್ಲಿ ಮಲಗುವ ಅಭ್ಯಾಸವನ್ನು ಮಾಡಿಸಬೇಕು. ಇದರಿಂದ ದೇಹವು ಆ ಸಮಯಕ್ಕೆ ಹೊಂದಿಕೊಳ್ಳುತ್ತದೆ. ಪರಿಣಾಮ ಮಗು ಆ ಸಮಯಕ್ಕೆ ತಾನಾಗಿಯೇ ಮಲಗಲು ಪ್ರಾರಂಭಿಸುತ್ತದೆ. ಈ ಅಭ್ಯಾಸವು ನಿದ್ರೆಯನ್ನು ಸುಧಾರಿಸುತ್ತದೆ. ಬೆಳಗ್ಗೆ ಎದ್ದಾಗ ಮಗು ಫ್ರೆಶ್ ಆಗಿರುತ್ತದೆ ಮತ್ತು ಆರೋಗ್ಯವೂ ಸುಧಾರಿಸುತ್ತದೆ.
ಮಗುವಿಗೆ ಹಗಲಿನಲ್ಲಿ ಚೆನ್ನಾಗಿ ಆಟವಾಡಲು ಬಿಡಿ. ಆಟವಾಡುವುದರಿಂದ ಮಕ್ಕಳು ಸುಸ್ತಾಗುತ್ತಾರೆ ಮತ್ತು ರಾತ್ರಿಯಲ್ಲಿ ಗಾಢವಾಗಿ ನಿದ್ರಿಸುತ್ತಾರೆ. ಇದರಿಂದಾಗಿ ಅವರ ಆರೋಗ್ಯವೂ ಉತ್ತಮವಾಗಿರುತ್ತದೆ.
ಮಲಗುವ ಮುನ್ನ ಮಗುವಿಗೆ ಲಘು ಮತ್ತು ಶಾಂತವಾದ ಸಂಗೀತವನ್ನು ಕೇಳಿಸುವುದು ಒಳ್ಳೆಯದು. ಈ ಸಂಗೀತವು ಅವರಿಗೆ ವಿಶ್ರಾಂತಿ ನೀಡುತ್ತದೆ ಮತ್ತು ತ್ವರಿತವಾಗಿ ನಿದ್ರಿಸಲು ಸಹಾಯ ಮಾಡುತ್ತದೆ. ಮಲಗುವ ಒಂದು ಗಂಟೆ ಮೊದಲು ಮಗುವನ್ನು ಟಿವಿ, ಮೊಬೈಲ್ ಮತ್ತು ಇತರ ಪರದೆಗಳಿಂದ ದೂರವಿಡಿ. ಈ ಗ್ಯಾಜೆಟ್‌ಗಳು ಅವರ ನಿದ್ರೆಯ ಮೇಲೆ ಪರಿಣಾಮ ಬೀರುತ್ತವೆ. ಈ ಸಾಧನಗಳ ಬೆಳಕು ಮತ್ತು ಚಟುವಟಿಕೆಗಳು ಮಕ್ಕಳನ್ನು ಎಚ್ಚರವಾಗಿರಿಸುತ್ತದೆ. ಇದರಿಂದ ಅವರಿಗೆ ನಿದ್ರಿಸಲು ಕಷ್ಟವಾಗುತ್ತದೆ.
ಮಲಗುವ ಮುನ್ನ ಮಗುವಿಗೆ ಸ್ನಾನ ಮಾಡುವುದು ಮತ್ತು ಕಥೆಯನ್ನು ಕೇಳುವಂತಹ ಕೆಲವು ದೈನಂದಿನ ಅಭ್ಯಾಸಗಳನ್ನು ಮಾಡಿಕೊಳ್ಳಬೇಕು. ಈ ಅಭ್ಯಾಸಗಳು ಮಗುವಿಗೆ ವಿಶ್ರಾಂತಿ ಮತ್ತು ನಿದ್ರೆಗೆ ಸಹಾಯ ಮಾಡುತ್ತವೆ. ಈ ಚಟುವಟಿಕೆಗಳು ಮಗುವನ್ನು ಶಾಂತಗೊಳಿಸುತ್ತದೆ ಮತ್ತು ಆಳವಾದ ನಿದ್ರೆಗೆ ತಳ್ಳುತ್ತವೆ.
Loading ...