ಕೊರೊನಾ ವೈರಸ್ ಹರಡುವ ಭಯದ ನಡುವೆಯೂ ವಿಮಾನಯಾನ ಕೈಗೊಳ್ಳಲಿಚ್ಚಿಸುವ ಪ್ರಯಾಣಿಕರ ಸುರಕ್ಷತೆಗಾಗಿ ಅನೇಕ ಏರ್ ಲೈನ್ಸ್ ಕಂಪನಿಗಳು ಸೋಂಕು ತಡೆಯಲು ಸಾಕಷ್ಟು ಮುಂಜಾಗ್ರತಾ ಕ್ರಮಗಳನ್ನ ಕೈಗೊಂಡಿವೆ.
ಸಾಮಾಜಿಕ ಅಂತರ ಕಾಪಾಡಲು ಕೆಲ ವಿಮಾನಗಳಲ್ಲಿ ಪ್ರಯಾಣಿಕರ ಸಂಖ್ಯೆಯನ್ನೇ ಕಡಿಮೆ ಮಾಡಲಾಗಿದೆ. ಮಾಸ್ಕ್ ಹಾಗೂ ಗ್ಲೌಸ್ ಕಡ್ಡಾಯ, ಕೊರೊನಾ ನೆಗೆಟಿವ್ ರಿಪೋರ್ಟ್ ಹೀಗೆ ಸಾಕಷ್ಟು ಮುಂಜಾಗ್ರತಾ ಕ್ರಮಗಳನ್ನ ವಿಮಾನಯಾನ ಸಂಸ್ಥೆಗಳು ಕೈಗೊಂಡಿವೆ.
ಆದರೆ ಚೀನಾ ವಿಮಾನಯಾನ ಸಂಸ್ಥೆ ಮಾತ್ರ ಪ್ರಯಾಣಿಕರ ಸುರಕ್ಷತೆಗಾಗಿ ಅತಿರೇಕದ ಮಾರ್ಗಸೂಚಿಗಳನ್ನ ಹೊರಡಿಸಿದೆ. ಸಿವಿಲ್ ಏವಿಯೇಷನ್ ಆಫ್ ಚೀನಾ ಬಿಡುಗಡೆ ಮಾಡಿದ ಹೊಸ ಮಾರ್ಗಸೂಚಿಗಳ ಪ್ರಕಾರ ಕೊರೊನಾ ಸೋಂಕನ್ನ ನಿಯಂತ್ರಿಸುವ ಸಲುವಾಗಿ ಡೈಪರ್ ಬಳಕೆ ಮಾಡುವಂತೆ ಪ್ರಯಾಣಿಕರಿಗೆ ಸೂಚನೆ ನೀಡಲಾಗಿದೆಯಂತೆ.
ಸಾಂಕ್ರಾಮಿಕ ರೋಗವನ್ನ ತಡೆಗಟ್ಟಲು 49 ಪುಟಗಳ ಮಾರ್ಗಸೂಚಿಯನ್ನ ಸಿದ್ಧಪಡಿಸಲಾಗಿದ್ದು ಇದರಲ್ಲಿ ಡೈಪರ್ ಬಳಕೆ ನಿಯಮವೂ ಸೇರಿದೆ. ಮಾಸ್ಕ್, ಗ್ಲೌಸ್, ಫೇಸ್ ಶೀಲ್ಡ್, ಬಿಸಾಡಬಹುದಾದ ಶೂ ಕವರ್ ಜೊತೆಗೆ ಶೌಚಾಲಯ ಬಳಕೆ ಕಡಿಮೆ ಮಾಡುವ ಸಲುವಾಗಿ ಡೈಪರ್ ನಿಯಮ ಕೂಡ ಸೇರಿಕೊಂಡಿದೆ.
Loading ...