ಅಗತ್ಯಕ್ಕಿಂತ ಜಾಸ್ತಿ ಆಹಾರ ಸೇವಿಸಿದ ಇಲಿ ಪಟ್ಟ ಪಾಡನ್ನ ಕಂಡು ನಕ್ಕು ನಕ್ಕು ಸುಸ್ತಾದ ನೆಟ್ಟಿಗರು

ಪಕ್ಷಿಗಳಿಗಾಗಿ ಇಟ್ಟಿದ್ದ ಧಾನ್ಯಗಳನ್ನ ತುಸು ಹೆಚ್ಚಾಗಿಯೆ ತಿಂದ ಇಲಿ ಜಾತಿಗೆ ಸೇರಿದ ಪ್ರಾಣಿಯೊಂದು ರಂಧ್ರದಿಂದ ಹೊರ ಬರಲಾಗದೇ ಪರದಾಡಿದ ಫೋಟೋವೊಂದು ಸೋಶಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.

ಪಕ್ಷಿಗಳು ಆಹಾರ ಸೇವಿಸಲಿ ಅಂತಾ ಯುಕೆಯ ನಗರವೊಂದರಲ್ಲಿ ಬರ್ಡ್​ ಫೀಡರ್​ನಲ್ಲಿ ಧಾನ್ಯಗಳನ್ನ ಇಡಲಾಗಿತ್ತು. ಆದರೆ ಇದರೊಳಕ್ಕೆ ನುಗ್ಗಿದ ಇಲಿ ಜಾತಿಗೆ ಸೇರಿದ ಪ್ರಾಣಿಯೊಂದು ಹೊಟ್ಟೆ ತುಂಬಾ ಆಹಾರ ಸೇವಿಸಿದೆ.

ಆದರೆ ಅದರ ಹೊಟ್ಟೆ ದಪ್ಪವಾದ ಕಾರಣ ರಂಧ್ರದಿಂದ ಹೊರ ಬರಲಾರದೇ ಪರದಾಡಿದೆ. ಈ ಫೋಟೋ ನೋಡಿದ ನೆಟ್ಟಿಗರು ಹೊಟ್ಟೆ ಹುಣ್ಣಾಗುವಷ್ಟು ನಕ್ಕಿದ್ದಾರೆ.