ಅತ್ಯಂತ ಜನಪ್ರಿಯ ಸೂಪರ್‌ ಹೀರೋಗಳಲ್ಲಿ ಒಬ್ಬನಾದ ಬ್ಯಾಟ್‌ಮನ್‌ಗೆ ಜಗತ್ತಿನಾದ್ಯಂತ ಅಭಿಮಾನಿಗಳಿದ್ದಾರೆ. ಇದೀಗ ಅವತಾರಧಾರಿಯೊಬ್ಬರು ಸ್ಯಾಂಟಿಯಾಗೋದ ಬೀದಿಗಳಲ್ಲಿ ಅಡ್ಡಾಡುತ್ತಾ ನಿರಾಶ್ರಿತರಿಗೆ ಅನ್ನಾಹಾರ ಪೂರೈಸುತ್ತಿದ್ದಾರೆ.
ಕೊರೊನಾ ವೈರಸ್‌ ಮಾಸ್ಕ್‌ ಹಾಕಿಕೊಂಡಿರುವ ಈ ಬ್ಯಾಟ್‌ಮನ್, ರಾಜಧಾನಿ ನಗರಿಯಲ್ಲಿರುವ ಡಝನ್‌ಗಟ್ಟಲೇ ಮಂದಿಗೆ ಬಿಸಿಯೂಟವನ್ನು ವಿತರಿಸುತ್ತಾ ಬಂದಿದ್ದಾರೆ.
“ನಿಮ್ಮ ಸುತ್ತಲೂ ಗಮನಿಸುತ್ತಲೇ ಇರಿ, ಅಗತ್ಯವಿದ್ದವರಿಗೆ ನಿಮ್ಮ ಸ್ವಲ್ಪ ಸಮಯ, ಆಹಾರ, ಆಶ್ರಯ ಹಾಗೂ ಮೆಚ್ಚುಗೆಯ ಮಾತುಗಳನ್ನು ನೀಡಲು ಯತ್ನಿಸಿ” ಎಂದು ಹೆಸರು ಹೇಳಲಿಚ್ಛಿಸದ ಈ ಅನಾಮಧೇಯ ವ್ಯಕ್ತಿ ಹೇಳಿದ್ದಾರೆ. ಕೋವಿಡ್-19 ಸಾಂಕ್ರಮಿಕದ ಕಾರಣದಿಂದ ಅತ್ಯಂತ ಕೆಟ್ಟ ಹೊಡೆತ ತಿಂದಿರುವ ದೇಶಗಳಲ್ಲಿ ಚಿಲಿ ಸಹ ಒಂದಾಗಿದೆ.
Loading ...