ಉಡುಪುಗಳಿಗೆಲ್ಲಿದೆ ಲಿಂಗ ತಾರತಮ್ಯ ಎಂದು ನಿರೂಪಿಸಲು ಮುಂದಾದ ಗಾಯಕ

ನವೆಂಬರ್‌ 19ರಂದು ಜಗತ್ತಿನಾದ್ಯಂತ ಪುರುಷರ ದಿನವೆಂದು ಆಚರಿಸಲಾಗುತ್ತದೆ. ಜೀವನದ ವಿವಿಧ ಮಜಲುಗಳಲ್ಲಿ ಪುರುಷರ ಕೊಡುಗೆಗಳನ್ನು ಇದೇ ವೇಳೆ ಸ್ಮರಿಸಲಾಗುತ್ತದೆ.

ಪುರುಷರ ಬಗೆಗೆ ಸಾಕಷ್ಟು ಪೂರ್ವಾಗ್ರಹಗಳಿದ್ದು, ಒಬ್ಬ ವ್ಯಕ್ತಿಯನ್ನು ಪುರುಷ ಎಂದು ಕರೆಯಬೇಕಾದಲ್ಲಿ ಆತ ಈ ಪೂರ್ವಾಗ್ರಹಗಳ ಆಧಾರದಲ್ಲಿ, ಆತ ಇಂಥದ್ದೇ ಬಟ್ಟೆಗಳನ್ನು ಹಾಕಿಕೊಳ್ಳಬೇಕೆಂಬ ಅಲಿಖಿತ ನಿಯಮಾವಳಿಗಳೆಲ್ಲಾ ಇವೆ. ಇವುಗಳನ್ನು ಮೀರಿದ ವೇಳೆ, ಸಮಾಜದಲ್ಲಿ ಒಂದು ರೀತಿಯ ಶೇಮಿಂಗ್ ಎದುರಿಸಬೇಕಾಗುತ್ತದೆ.

ಇದೀಗ ಈ ಟ್ರೆಂಡ್‌ ಮುರಿಯಲು ಮುಂದಾಗಿರುವ ಬ್ರಿಟಿಷ್ ಗಾಯಕ ಹ್ಯಾರಿ ಸ್ಟೈಲ್ಸ್‌ ’ವೋಗ್’ ನಿಯತಕಾಲಿಕೆಯ ಮುಖಪುಟದಲ್ಲಿ ಸ್ತ್ರೀಯರ ಉಡುಪಿನಲ್ಲಿ ಮಿಂಚಿದ ಮೊದಲ ಪುರುಷರಾಗಿದ್ದಾರೆ. ಹೆಂಗಸರಿಗೆ ಮಾತ್ರ ಎನ್ನಲಾಗುವ ಅನೇಕ ವಸ್ತ್ರಗಳಲ್ಲಿ ಮಿಂಚಿರುವ ಸ್ಟೈಲ್ಸ್‌ ಅವರ ಈ ಚಿತ್ರಗಳು ಅಂತರ್ಜಾಲದಲ್ಲಿ ವೈರಲ್ ಆಗಿವೆ.