ಸಾಮಾಜಿಕ ಜಾಲತಾಣ ಟಿಕ್ ಟಾಕ್ ಸಾಕಷ್ಟು ಪ್ರಸಿದ್ಧಿ ಪಡೆದಿದೆ. ಲಾಕ್ ಡೌನ್ ಸಂದರ್ಭದಲ್ಲಿ ಜನರು ಹೆಚ್ಚೆಚ್ಚು ಪ್ರಮಾಣದಲ್ಲಿ ಟಿಕ್ ಟಾಕ್ ಬಳಸ್ತಿದ್ದಾರೆ. ಈ ಮಧ್ಯೆ 10 ವರ್ಷಗಳಿಂದ ನಾಪತ್ತೆಯಾಗಿದ್ದ ತಂದೆಯೊಬ್ಬ ಮಗನಿಗೆ ಸಿಕ್ಕಿದ್ದಾನೆ. ಘಟನೆ ಚೀನಾದಲ್ಲಿ ನಡೆದಿದೆ.
10 ವರ್ಷಗಳ ಹಿಂದೆ ವ್ಯಕ್ತಿಯೊಬ್ಬ ನಾಪತ್ತೆಯಾಗಿದ್ದ. ಕುಟುಂಬಸ್ಥರು ಆತನ ಹುಡುಕಾಟದಲ್ಲಿದ್ದರು. ಈ ಮಧ್ಯೆ ಮಗ ಲಾಂಗ್ ಜಿಯಾಮೆಂಗ್ ಟಿಕ್ ಟಾಕ್ ನಲ್ಲಿ ವಿಡಿಯೋ ಒಂದನ್ನು ನೋಡಿದ್ದಾನೆ. ಆ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬನ ದುಸ್ಥಿತಿ ಬಗ್ಗೆ ವಿವರಿಸಲಾಗಿದೆ. ತಿನ್ನಲು ಆಹಾರವಿಲ್ಲದ ವ್ಯಕ್ತಿ ಕಸದಲ್ಲಿ ಬಿದ್ದ ಆಹಾರ ತಿನ್ನುತ್ತಿದ್ದಾನೆ. ಆತನ ಪರಿಚಯವನ್ನು ಸರಿಯಾಗಿ ಹೇಳ್ತಿಲ್ಲವೆಂದು ಟಿಕ್ ಟಾಕ್ ವಿಡಿಯೋದಲ್ಲಿ ಹೇಳಲಾಗಿತ್ತು. ಸಹಾಯ ಮಾಡುವಂತೆ ಕೋರಲಾಗಿತ್ತು.
ಈ ವಿಡಿಯೋ ನೋಡಿದ ಲಾಂಗ್ ಜಿಯಾಮೆಂಗ್ ಇದು ತನ್ನ ತಂದೆ ಎಂಬುದನ್ನು ಪತ್ತೆ ಹಚ್ಚಿದ್ದಾನೆ. ಈತ ತನ್ನ ತಂದೆ ಎಂದು ಕಮೆಂಟ್ ಮಾಡಿದ್ದಾನೆ. ಆದ್ರೆ ಈ ವಿಡಿಯೋವನ್ನು ಯಾವ ಜಾಗದಲ್ಲಿ ತೆಗೆಯಲಾಗಿದೆ ಎನ್ನುವ ಬಗ್ಗೆ ಟಿಕ್ ಟಾಕ್ ಬಳಕೆದಾರ ಹೇಳಿಲ್ಲ. ಹಾಗಾಗಿ ಪೊಲೀಸ್ ಸಹಾಯ ಪಡೆಯುತ್ತೇವೆಂದು ಲಾಂಗ್ ಜಿಯಾಮೆಂಗ್ ಹೇಳಿದ್ದಾನೆ.