ಸಿಸಿ ಟಿವಿಯಲ್ಲಿ ಸೆರೆಯಾದ ದೃಶ್ಯ ಕಂಡು ಬೆಚ್ಚಿಬಿತ್ತು ಕುಟುಂಬ

ಏಕಾಂತ, ನೆಮ್ಮದಿ ಬಯಸಿ ದೂರಕ್ಕೆಲ್ಲೋ ಹೋಗುತ್ತೀರಿ, ಯಾರ ಕಾಟವೂ ಇಲ್ಲ ಎಂದುಕೊಂಡು ಆರಾಮವಾಗಿ ಮಲಗಿ ನಿದ್ರಿಸುತ್ತಾ ವಿಶ್ರಾಂತಿ ಪಡೆಯುತ್ತಿರುತ್ತೀರಿ.

ಆದರೆ, ಯಾರೋ ಬಂದು ನೆಮ್ಮದಿ ಭಂಗ ಮಾಡಿದರೆ ಹೇಗಿರುತ್ತದೆ ? ಏಕಾಂತಕ್ಕೆ ಭಂಗ ತಂದವರ ವಿರುದ್ಧ ಜಗಳಕ್ಕೇ ಹೋಗುತ್ತೇವೆ.

ಮ್ಯಾಟ್ ಬೆಟೆ ಎಂಬಾತ ಈಜುಕೊಳದ ಬದಿಯಲ್ಲಿ ಸನ್ ಬಾತ್ (ಸೌರಸ್ನಾನ) ಮಾಡುತ್ತಾ ಮಲಗಿರುತ್ತಾನೆ. ಅಲ್ಲಿಗೆ ಬರುವ ಕರಡಿಯೊಂದು,‌ ಈಜುಕೊಳದಲ್ಲಿ ನೀರು ಕುಡಿದು ಅಲ್ಲೇ ಸುತ್ತಾಡುತ್ತದೆ.

ಬಳಿಕ ಮ್ಯಾಟ್ ಬೆಟೆ ಬಳಿಗೆ ಬಂದು, ಕಾಲೆಳೆದು, ಹಾಯಾಗಿ ಮಲಗಿದ್ದವನನ್ನು ಎಬ್ಬಿಸುತ್ತದೆ. ಎಚ್ಚರಗೊಂಡು ನೋಡಿದ ಮ್ಯಾಟ್, ಸ್ಥಳದಲ್ಲಿ ಏನಾಯಿತು ಎಂಬುದು ಗೊತ್ತೇ ಆಗಲಿಲ್ಲ. ಏನೋ ಕಾಲೆಳೆದಂತೆ ಆಯಿತೇ ಹೊರತು, ಯಾರು ಏನು ಎತ್ತ ಎಂಬುದು ಅರಿವಿಗೆ ಬರಲೇ ಇಲ್ಲ. ಇಡೀ ದೃಶ್ಯ ಸಿಸಿ ಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಇದನ್ನು ಕಂಡು ಬೆಟೆ ಕುಟುಂಬ ಬೆಚ್ಚಿಬಿದ್ದಿದೆ. ಮ್ಯಾಟ್ ಬೆಟೆ ಪತ್ನಿ ದಾನ್, ಈ ವಿಡಿಯೋವನ್ನು ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.