ವ್ಯಂಗಭರಿತವಾದ ವಿವಾಹ ಆಮಂತ್ರಣ ಪತ್ರವೊಂದು ಅಂತರ್ಜಾಲದಲ್ಲಿ ಬಹಳ ಸದ್ದು ಮಾಡುತ್ತಿದೆ. ಪರೋಡಿ ಖಾತೆಯೊಂದರಿಂದ ಪೋಸ್ಟ್ ಮಾಡಲಾದ ಚಿತ್ರವೊಂದು ಸಾಂಕ್ರಮಿತ ವಿದ್ಯಮಾನದ ಕ್ರೂರ ಜೋಕ್ನಂತೆ ಕಾಣುತ್ತಿದೆ.
ಡ್ಯಾನ್ ವ್ಹೈಟ್ ಹೆಸರಿನ ತಮ್ಮ ಮೈಕ್ರೋಬ್ಲಾಗಿಂಗ್ ಜಾಲತಾಣದಲ್ಲಿ ಪೋಸ್ಟ್ ಮಾಡಿರುವ ಈ ಆಮಂತ್ರಣದಲ್ಲಿ ಮದುವೆ ಆಗಲಿರುವ ಜೋಡಿಯ ಫೋಟೋ ಇದ್ದು, COVID-19 ತೊಲಗಲಿ ಎಂಬ ಸಂದೇಶದೊಂದಿಗೆ ಶರುವಾಗಿದೆ.
“ಮಾಸ್ಕ್ ಗಳಿಗೆ ಪ್ರವೇಶವಿಲ್ಲ! (ಪ್ರತಿಯೊಬ್ಬರ ಸುಂದರ ಬಾಯಿಗಳನ್ನು ನಾವು ನೋಡಬೇಕು) ಕೆಮ್ಮಲೆಂದೇ ಪ್ರತ್ಯೇಕ ಕೋಣೆಯೊಂದನ್ನು ಇಟ್ಟಿದ್ದೇವೆ. ಏನಾದ್ರೂ ಆದ್ರೆ, ಯಾವುದಕ್ಕೂ ಇರಲಿ ಎಂದು ಅಜ್ಜ-ಅಜ್ಜಿಯ ಸಾಕಷ್ಟು ಚಿತ್ರಗಳನ್ನು ಸೆರೆ ಹಿಡಿಯಬೇಕು” ಎಂದು ಸೂಚನೆಗಳನ್ನು ಬರೆಯಲಾಗಿದೆ.