ದಾಖಲೆಗಾಗಿ ಜೇನುನೊಣಗಳನ್ನು ಮೈಮೇಲೆ ಬಿಟ್ಟುಕೊಂಡಿದ್ದ ಭೂಪ

ಗಿನ್ನೆಸ್ ದಾಖಲೆಯಲ್ಲಿ ಹೆಸರನ್ನ ಬರೆಸಿಕೊಳ್ಳಬೇಕು ಅಂತಾ ಕೆಲವರು ಮಾಡುವ ಸಾಹಸಗಳನ್ನ ನೋಡಿದ್ರೆ ಸಾಕು ಮೈ ಝುಂ ಎನ್ನುತ್ತೆ. ಇದೀಗ ಇಂತಹದ್ದೇ ಒಂದು ವಿಚಿತ್ರ ಗಿನ್ನೆಸ್ ದಾಖಲೆಯ ವಿಡಿಯೋವನ್ನ ಗಿನ್ನೆಸ್​ ವಿಶ್ವ ದಾಖಲೆ ಫೇಸ್​ಬುಕ್​ ಪೇಜ್​​ನಲ್ಲಿ ಪೋಸ್ಟ್ ಮಾಡಲಾಗಿದೆ. 2016ರಲ್ಲಿ ಜೇನುನೊಣಗಳ ಜೊತೆ ಇದ್ದ ಚೀನಾದ ರುವಾನ್​ ಲಿಯಾಂಗ್ಮಿಂಗ್​ ಎಂಬಾತ ಈ ವಿಚಿತ್ರ ವಿಶ್ವ ದಾಖಲೆ ಬರೆದಿದ್ದ.

ಒಟ್ಟು 6.37,000 ಜೇನುನೊಣಗಳನ್ನ ಮೈಮೇಲೆ ಇಟ್ಟುಕೊಳ್ಳುವ ಮೂಲಕ ಲಿಯಾಂಗ್ಮಿಂಗ್​ ವಿಶ್ವ ದಾಖಲೆಯ ಪುಟದಲ್ಲಿ ತನ್ನ ಹೆಸರನ್ನ ಬರೆಯಿಸಿಕೊಂಡಿದ್ದ. ಈ ಒಟ್ಟು ಜೇನುನೋಣಗಳ ಸಂಖ್ಯೆಯಲ್ಲಿ 60 ರಾಣಿ ಜೇನುಗಳಾಗಿವೆ. ಇನ್ನು ತನ್ನ ಈ ಸಾಧನೆ ಬಗ್ಗೆ ಮಾತನಾಡಿದ್ದ ಲಿಯಾಂಗ್ಮಿಂಗ್​ ಜೇನುನೋಣಗಳ ಜೊತೆ ಇರುವಾಗ ನೀವು ಆದಷ್ಟು ಶಾಂತರಾಗಿ ಇರಬೇಕು.

ನಮಗೆ ಕಚ್ಚಿದ ಕೂಡಲೇ ಆ ಜೇನುನೊಣಗಳು ಸಾಯುತ್ತವೆ. ನೀವು ಸುಮ್ಮನೇ ಇದ್ದರೆ ಅವು ಸುಮ್ಮನಿರುತ್ತವೆ. ಆದರೆ ಸಾಧನೆಗಿಂತ ಜೀವನ ಮುಖ್ಯ. ಹೀಗಾಗಿ ಇಂತಹ ಕಠಿಣ ಸವಾಲುಗಳನ್ನ ಎಂದಿಗೂ ಲಘುವಾಗಿ ಸ್ವೀಕರಿಸದಿರಿ ಅಂತಾ ಕಿವಿಮಾತನ್ನೂ ಹೇಳಿದ್ದರು.

https://www.facebook.com/watch/?v=349762899589086&t=168