ಟ್ರೋಲಿಗರಿಗೆ ಒಂದು ವಿಚಾರ ಸಿಗ್ತು ಅಂದರೆ ಸಾಕು. ಆ ವಿಚಾರದಿಂದ ಯಾವ್ಯಾವ ರೀತಿಯಲ್ಲಿ ಫನ್ ಮಾಡಬೇಕೋ ಆ ಎಲ್ಲಾ ರೀತಿಯಲ್ಲಿ ಮಾಡ್ತಾರೆ.
ಇದೀಗ ಸದ್ಯ ಬಾಂಗ್ಲಾದೇಶದ ಫರ್ನಿಚರ್ ಶಾಪ್ನ ಜಾಹಿರಾತಿನ ವಿಡಿಯೋವೊಂದು ಟ್ರೋಲಿಗರ ಬಾಯಿಗೆ ಬಾಡೂಟದಂತೆ ಬಂದು ಬಿದ್ದಿದೆ. ಗಾಜಿಪುರದಲ್ಲಿರುವ ಕಕೊಲಿ ಫರ್ನಿಚರ್ ಅಂಗಡಿಗೆ ಸೇರಿದ ಈ ಜಾಹಿರಾತು ಇದೀಗ ಟ್ವಿಸ್ಟ್ ಮೇಲೆ ಟ್ವಿಸ್ಟ್ ಪಡೆದುಕೊಳ್ತಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಇಬ್ಬರು ಹೆಣ್ಣು ಮಕ್ಕಳು ಫರ್ನಿಚರ್ ಮೇಲೆ ಕುಳಿತುಕೊಂಡು ಪದೇ ಪದೇ ದಾಮೆ ಕೊಮ್ ಮಾನೆ ಭಾಲೋ ಕಕೊಲಿ ಫರ್ನಿಚರ್ ( ಕಡಿಮೆ ಬೆಲೆ ಎಂದರೆ ಅದು ಕಾಕೊಲಿ ಫರ್ನಿಚರ್) ಎಂದು ಹೇಳಿದ್ದಾರೆ.
ಫರ್ನಿಚರ್ಗಳ ಮೇಲೆ ಕುಣಿದಾಡುತ್ತಾ, ಖುರ್ಚಿಯ ಮೇಲೆ ಕೂತುಕೊಂಡು ಮಕ್ಕಳು ಪದೇ ಪದೇ ಇದೊಂದೇ ವ್ಯಾಕ್ಯವನ್ನ ಹೇಳಿದ್ದಾರೆ. ಈ ಜಾಹಿರಾತಿನ ಧ್ವನಿಯನ್ನ ಬಳಿಸಿಕೊಂಡಿರುವ ಟ್ರೋಲಿಗರು ಇದಕ್ಕೆ ಮಿ.ಬೀನ್, ಸೌತ್ ಕೊರಿಯನ್ ಬಾಯ್ಸ್ ಬ್ಯಾಂಡ್ ದೃಶ್ಯಕ್ಕೆ ಥಳಕು ಹಾಕುತ್ತಿದ್ದಾರೆ. ಇಷ್ಟು ಮಾತ್ರವಲ್ಲದೇ ದೀಪಿಕಾ ಪಡುಕೊಣೆಯನ್ನೂ ಈ ಟ್ರೋಲ್ಗೆ ಬಳಸಿಕೊಳ್ಳಲಾಗಿದೆ.
Loading ...