ಬೆರಗಾಗಿಸುತ್ತೆ ಸುಂಟರಗಾಳಿಯ ರೋಮಾಂಚಕಾರಿ ದೃಶ್ಯ ಕಾವ್ಯ

ಮೆಕ್ಸಿಕೋ ಕೊಲ್ಲಿಯ ಮೇಲಿರುವ ಲೂಸಿಯಾನಾ ಕರಾವಳಿ ತೀರದಲ್ಲಿ ಸುಂಟರಗಾಳಿಯ ಎಫೆಕ್ಟ್‌ಗೆ ನೀರು ಸುರಳಿಯಾಕಾರದಲ್ಲಿ ಮೇಲೇಳುತ್ತಿರುವ ದೃಶ್ಯಾವಳಿಯೊಂದು ಸಖತ್‌ ವೈರಲ್ ಆಗಿದೆ.

ಫ್ರಾಂಖ್‌ ಲೆಡೇ ಹೆಸರಿನ ಛಾಯಾಗ್ರಾಹಕ ಈ ಚಿತ್ರವನ್ನು ಸೆರೆ ಹಿಡಿದಿದ್ದು, ಈ ಚಿತ್ರಗಳನ್ನು ಫೇಸ್ಬುಕ್‌ನ ತಮ್ಮ ಖಾತೆಯಲ್ಲಿ ಪೋಸ್ಟ್‌ ಮಾಡಿ, “Wow !! Ever see 6 water spouts at once ?” ಎಂದು ಕ್ಯಾಪ್ಷನ್ ಹಾಕಿದ್ದಾರೆ.

ಉತ್ತರ ಅಟ್ಲಾಂಟಿಕ ಹಾಗೂ ಕೆರಿಬಿಯನ್‌ ಸಮುದ್ರಗಳ ಮೇಲೆದ್ದ ಸುಂಟರಗಾಳಿಯ ಎಫೆಕ್ಟ್‌ನಿಂದ ಈ ರೀತಿಯ ದೃಶ್ಯಕಾವ್ಯ ಸೃಷ್ಟಿಯಾಗಿದೆ. ಈ ಸುಂಟರಗಾಳಿಗಳಿಗೆ ಲೌರಾ ಹಾಗೂ ಮಾರ್ಕೋ ಎಂದು ಹೆಸರಿಡಲಾಗಿದೆ.