ಕಡಿಮೆ ವೆಚ್ಚದ ವೆಂಟಿಲೇಟರ್‌‌ ಅಭಿವೃದ್ಧಿಪಡಿಸಿದ ಯುವತಿಯರು

ಕೊರೋನಾ ವಿರುದ್ಧ ಹೋರಾಟ ನಡೆಸುತ್ತಿರುವ ಜನರ ನೆರವಿಗೆ ನಿಂತ ಪೂರ್ವ ಅಫ್ಘಾನಿಸ್ತಾನ ಹೆರಾತ್‌ ನಗರದ 18 ವರ್ಷದ ಟೀನೇಜ್ ಹುಡುಗಿ ಸೊಮಯಾ ಫರೂಖಿ ನೇತೃತ್ವದ ತಂಡವೊಂದು ಕಡಿಮೆ ವೆಚ್ಚದ, ಹಗುರವಾದ ವೆಂಟಿಲೇಟರ್‌ ಒಂದನ್ನು ಅಭಿವೃದ್ಧಿಪಡಿಸಿದ್ದಾರೆ.

ಫರೂಖಿ ಜೊತೆಗೆ ಇನ್ನೂ ಆರು ಯುವತಿಯರು ಈ ಪ್ರಾಜೆಕ್ಟ್‌ನಲ್ಲಿ ಕೈ ಜೋಡಿಸಿದ್ದಾರೆ. ಮಾರ್ಚ್‌ನಿಂದಲೇ ಈ ಕೆಲಸಕ್ಕೆ ಮುಂದಾಗಿರುವ ಈ ತಂಡವು ರೊಬಾಟಿಕ್ಸ್ ಮೇಲೆ ತಾನು ಮಾಡುತ್ತಿರುವ ಅನೇಕ ಕೆಲಸಗಳಿಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮನ್ನಣೆ ಪಡೆದುಕೊಳ್ಳುತ್ತಿದೆ.

ಈ ಹುಡುಗಿಯರು ಅಭಿವೃದ್ಧಿಪಡಿಸುತ್ತಿರುವ ವೆಂಟಿಲೇಟರ್‌ಗೆ $700 ವೆಚ್ಚವಾಗಲಿದೆ. ಸದ್ಯ ಮಾರುಕಟ್ಟೆಗಳಲ್ಲಿ ವೆಂಟಿಲೇಟರ್‌ಗಳ ಸರಾಸರಿ ಬೆಲೆಯು $20,000 ದಷ್ಟಿದೆ.