ಜೈಲಿನ ಊಟ ನಿರಾಕರಿಸಿದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಬೆಂಬಲಿಗ..!

ಸಾಮಾಜಿಕ ಜಾಲತಾಣಗಳಲ್ಲೂ ಈತನ ಫೋಟೋಸ್​ ವೈರಲ್​ ಆಗಿತ್ತು.

ವೈರಲ್​ ಆದ ಫೋಟೋಗಳಲ್ಲಿ ಶರ್ಟ್​ ಧರಿಸದ ವ್ಯಕ್ತಿ ತಲೆಗೆ ಕೊಂಬುಗಳನ್ನ ಹೊಂದಿರುವ ಟೋಪಿಗಳನ್ನ ಧರಿಸಿರೋದು ಹಾಗೂ ಮುಖಕ್ಕೆ ನೀಲಿ, ಬಿಳಿ ಹಾಗೂ ಕೆಂಪು ಬಣ್ಣಗಳನ್ನ ಬಳಿದುಕೊಂಡಿದ್ದು ಕಂಡು ಬಂದಿತ್ತು. ಈ ವ್ಯಕ್ತಿಯನ್ನ ಅಮೆರಿಕ ಮಾಧ್ಯಮಗಳು ಜೆಕ್​ ಎಂಜೆಲಿ ಎಂದು ಗುರುತಿಸಿವೆ. ವರದಿಗಳ ಪ್ರಕಾರ ಏಂಜೆಲಿ ಕಳೆದೊಂದು ವರ್ಷಗಳಿಂದ ಬಲಪಂಥೀಯರ ರ್ಯಾಲಿಗಳಲ್ಲಿ ಕಾಣಿಸಿಕೊಳ್ತಿದ್ದಾನೆ ಎನ್ನಲಾಗಿದೆ.

ಅಮೆರಿಕ ಕ್ಯಾಪಿಟಲ್​ನಲ್ಲಿ ಹಿಂಸಾತ್ಮಕ ಪ್ರವೇಶ ಹಾಗೂ ಅಸಂವಿಧಾನಿಕ ನಡವಳಿಕೆ ಹಲವಾರು ಆರೋಪಗಳಡಿಯಲ್ಲಿ ಜೆಕ್ ಎಂಜೆಲಿ ಅಲಿಯಾಸ್​ ಜಾಕೊಬ್​ ಚಾನ್ಸ್ಲೆ ಸದ್ಯ ಜೈಲಿನಲ್ಲಿದ್ದಾನೆ. ಈ ಬಗ್ಗೆ ಈತನ ತಾಯಿ ಪ್ರತಿಕ್ರಿಯೆ ನೀಡಿದ್ದು , ನನ್ನ ಮಗ ಶುಕ್ರವಾರದಿಂದ ಏನನ್ನೂ ತಿಂದಿಲ್ಲ. ಆತನಿಗೆ ತಿನ್ನಲು ಆರ್ಗಾನಿಕ್​ ಆಹಾರ ಬೇಕು. ಸಾವಯವ ಆಹಾರ ಸೇವಿಸದಿದ್ದಲ್ಲಿ ನನ್ನ ಮಗ ಅನಾರೋಗ್ಯಕ್ಕೀಡಾಗುತ್ತಾನೆ ಎಂದು ಹೇಳಿದ್ದಾಳೆ.

ಈ ವಿಚಾರವನ್ನ ಟ್ವಿಟರ್​ನಲ್ಲಿ ಹಂಚಿಕೊಳ್ಳಲಾಗಿದ್ದು ಟ್ವೀಟಿಗರು ಈತನಿಗೆ ಜೈಲಿನಲ್ಲೂ ಮೆನು ಪ್ರಕಾರವೇ ತಿನ್ನೋಕೆ ಬೇಕಾ ಎಂದು ಪ್ರಶ್ನೆ ಮಾಡ್ತಿದ್ದಾರೆ.