ಜನವರಿಯೊಳಗೆ ರೈಲ್ವೆ ನಿಲ್ದಾಣಗಳಲ್ಲಿ ಅತ್ಯಾಧುನಿಕ ವ್ಯವಸ್ಥೆಯ ಸಿಸಿ ಟಿವಿ ಕ್ಯಾಮೆರಾ ಕಣ್ಗಾವಲು

ರೈಲ್ವೇ ಇಲಾಖೆ ದೇಶದ ತನ್ನೆಲ್ಲಾ ರೈಲ್ವೆ ನಿಲ್ದಾಣಗಳಲ್ಲಿ ಸಿಸಿ ಟಿವಿ ಕಣ್ಗಾವಲು ವ್ಯವಸ್ಥೆಗಳನ್ನು ಮಾಡಲು ಬಯಸಿದ್ದು, ಮೊದಲ ಹಂತವು ಜನವರಿ 2023 ರ ವೇಳೆಗೆ ರ್ಪೂಣಗೊಳ್ಳಲಿದೆ.

ಇದರ ಅನುಷ್ಠಾನವನ್ನು ರೈಲ್​ಟೆಲ್​ ಸಂಸ್ಥೆ ಮಾಡಲಿದೆ. ಮೊದಲ ಹಂತದಲ್ಲಿ 756 ನಿಲ್ದಾಣಗಳನ್ನು ಸಿಸಿ ಟಿವಿ ಕಣ್ಗಾವಲಿಗೆ ತರಲು ಬಯಸಲಾಗಿದೆ. ಎರಡನೇ ಹಂತದಲ್ಲಿ ಉಳಿದವು ಒಳಗೊಳ್ಳಲಿದೆ.

ರೈಲು ನಿಲ್ದಾಣಗಳಲ್ಲಿ ಭದ್ರತೆ ಹೆಚ್ಚಿಸುವ ಪ್ರಯತ್ನದ ಭಾಗವಾಗಿ ರೈಲ್ವೆ ನಿಲ್ದಾಣಗಳಲ್ಲಿ ಇಂರ್ಟನೆಟ್​ ಪ್ರೋಟೋಕಾಲ್​ ಆಧಾರಿತ ವಿಡಿಯೊ ಕಣ್ಗಾವಲು ವ್ಯವಸ್ಥೆ ಸ್ಥಾಪಿಸುವ ಪ್ರಕ್ರಿಯೆಯಲ್ಲಿದೆ, ಅಂದರೆ, ಹಾಲ್​ಗಳು, ಕಾಯ್ದಿರಿಸುವಿಕೆ ಕೌಂಟರ್​ಗಳು, ಫ್ಲಾಟ್ ಫಾರ್ಮ್, ವಾಹನ ನಿಲುಗಡೆ ಪ್ರದೇಶಗಳು, ಮುಖ್ಯ ದ್ವಾರ- ನಿರ್ಗಮನ, ಫುಟ್​ ಓವರ್​ ಬ್ರಿಡ್ಜ್​ ಮತ್ತು ಬುಕಿಂಗ್​ ಕಚೇರಿಗಳು ಒಳಗೊಳ್ಳಲಿದೆ.

BREAKING: ಚಾಲಕನ ನಿಯಂತ್ರಣ ತಪ್ಪಿ ಖಾಸಗಿ ಬಸ್ ಪಲ್ಟಿ, ಅಪಘಾತದಲ್ಲಿ 8 ಪ್ರಯಾಣಿಕರಿಗೆ ಗಾಯ

ರೈಲ್ವೆ ಆವರಣದಲ್ಲಿ ಸುರಕ್ಷತೆ ಮತ್ತು ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲು ನಿಲ್ದಾಣಗಳ ಸಿಸಿಟಿವಿ ಕ್ಯಾಮೆರಾಗಳು ಮತ್ತು ವಿಡಿಯೊ ಫೀಡ್​ಗಳನ್ನು ಮೂರು ಹಂತಗಳಲ್ಲಿ ಮೇಲ್ವಿಚಾರಣೆ ಮಾಡಲಾಗುತ್ತದೆ. ಈ ವ್ಯವಸ್ಥೆಯು ಆಟಿರ್ಫಿಶಿಯಲ್​ ಇಂಟೆಲಿಜೆನ್ಸ್​ (ಎಐ) ಸಕ್ರಿಯಗೊಳಿಸಿದ ವಿಡಿಯೊ ಅನಾಲಿಟಿಕ್ಸ್​ ಸಾಫ್ಟ್​ವೇರ್​ ಮತ್ತು ಫೇಶಿಯಲ್​ ರೆಕಗ್ನಿಷನ್​ ಸಾಫ್ಟ್​ವೇರ್​ನೊಂದಿಗೆ ಬರುತ್ತದೆ, ಇದು ಅಪರಾಧಿಗಳು ನಿಲ್ದಾಣದ ಆವರಣಕ್ಕೆ ಪ್ರವೇಶಿಸಿದಾಗ ಎಚ್ಚರಿಕೆಯನ್ನು ನೀಡಲಿದೆ.
ಹೀಗಾಗಿ ಅವರನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ.

ಕ್ಯಾಮೆರಾಗಳು, ಸರ್ವರ್​, ಯುಪಿಎಸ್​ ಮತ್ತು ಸ್ವಿಚ್​ಗಳ ಮೇಲ್ವಿಚಾರಣೆಗಾಗಿ ನೆಟ್​ವರ್ಕ್​ ಮ್ಯಾನೇಜ್​ಮೆಂಟ್​ ಸಿಸ್ಟಮ್​ ಸಹ ಒದಗಿಸಲಾಗಿದೆ, ಇದನ್ನು ಅಧಿಕೃತ ಸಿಬ್ಬಂದಿ ಯಾವುದೇ ವೆಬ್​ ಬ್ರೌಸರ್​ನಿಂದ ವೀಕ್ಷಿಸಬಹುದು.

ರೈಲ್ವೇ ಆವರಣದ ಗರಿಷ್ಠ ವ್ಯಾಪ್ತಿ ಕವರ್​ ಮಾಡಲು ನಾಲ್ಕು ವಿಧದ ಐಪಿ ಕ್ಯಾಮೆರಾಗಳನ್ನು ಸ್ಥಾಪಿಸಲಾಗುತ್ತದೆ. ಡೋಮ್​ ಪ್ರಕಾರ, ಬುಲೆಟ್​ ಟೈಪ್​, ಪ್ಯಾನ್​ ಟಿಲ್ಟ್​ ಜೂಮ್​ ಟೈಪ್​ ಮತ್ತು ಅಲ್ಟ್ರಾ ಎಚ್​ಡಿ-4ಕೆ ಬಳಸಲಾಗುತ್ತಿದೆ.