ಕೋವಿಡ್-19 ಸಾಂಕ್ರಾಮಿಕ ಜಗತ್ತಿನೆಲ್ಲೆಡೆ ತಾಂಡವ ನೃತ್ಯ ಮಾಡುತ್ತಿರುವ ಕಾರಣ ಎಲ್ಲೆಡೆ ಮನೆಯಿಂದಲೇ ಕೆಲಸ ಮಾಡುವುದು ಸಾಮಾನ್ಯವಾಗಿಬಿಟ್ಟಿದೆ.
ಇಂಥ ಪರಿಸ್ಥಿತಿಯ ನಡುವೆ ವೃತ್ತಿಪರ ಹಾಗೂ ವೈಯಕ್ತಿಕ ಜೀವನಗಳ ನಡುವೆ ಸಮತೋಲನ ಕಾಯ್ದುಕೊಳ್ಳುವುದು ಒಂದು ದೊಡ್ಡ ಸವಾಲಾಗಿದೆ.
ಮದುವಣಗಿತ್ತಿಯೊಬ್ಬಳು ಮಂಟಪದ ಮೇಲೆ ಕುಳಿತಿರುವಾಗಲೇ ತೊಡೆಯ ಮೇಲೆ ಲ್ಯಾಪ್ಟಾಪ್ ಹಿಡಿದುಕೊಂಡು ಫೋನ್ನಲ್ಲಿ ಮಾತನಾಡುತ್ತಿರುವ ವಿಡಿಯೋ ಒಂದು ವೈರಲ್ ಆಗಿದೆ.
ನವದಂಪತಿಗಳಿಬ್ಬರೂ ತಮ್ಮ ಮದುವೆಯ ನೇರ ಪ್ರಸಾರವನ್ನು ಝೂಮ್ ಕಾಲ್ ಮೂಲಕ ತಮ್ಮ ಸ್ನೇಹಿತರು ಹಾಗೂ ಸಹೋದ್ಯೋಗಿಗಳ ಬಳಗಕ್ಕೆ ಬಿತ್ತರಿಸಲು ಯತ್ನಿಸುತ್ತಿರಬಹುದು ಎಂದು ನೆಟ್ಟೆಗರು ಕಾಮೆಂಟ್ ಸೆಕ್ಷನ್ನಲ್ಲಿ ಹೇಳಿದ್ದಾರೆ.