90ರ ದಶಕದ ಬಾಲ್ಯದ ದಿನಗಳನ್ನು ನೆನಪಿಸುತ್ತೆ ಈ ವಿಡಿಯೋ‌ ಕ್ಲಿಪ್

ಬಾಲ್ಯದ ದಿನಗಳ ಸವಿನೆನಪುಗಳು ಎಂದರೆ ಎಂಥವರಿಗೂ ಭಾರೀ ರೋಮಾಂಚನ ಸೃಷ್ಟಿಸುವಂಥ ಘಳಿಗೆಗಳು.

1990ರ ದಶಕದಲ್ಲಿ ಬಾಲ್ಯ ಕಳೆದವರಿಗೆಂದು ತರುಣ್ ಲಾಕ್‌ ಅವರು ಪುಟ್ಟದೊಂದು ಅನಿಮೇಟೆಡ್‌ ಕ್ಲಿಪ್ ಒಂದನ್ನು ಬಿಡುಗಡೆ ಮಾಡಿದ್ದಾರೆ. ಈ ಕ್ಲಿಪ್‌ನಲ್ಲಿ ಯಾವುದೇ ಪದಗಳು ಇಲ್ಲದೇ ಇದ್ದರೂ ಸಹ ಆ ಚಿತ್ರಗಳೇ ಸಾವಿರಾರು ಮಧುರ ಭಾವಗಳನ್ನು ಉಕ್ಕಿಸುವಂತೆ ಮಾಡುತ್ತಿವೆ.

ಶಾಲೆಗೆ ಹೋಗುವಾಗ ರಸ್ತೆ ಬದಿಯ ತಿಂಡಿ ಖರೀದಿ ಮಾಡುತ್ತಿದ್ದ ಕ್ಷಣಗಳ, ಕ್ರಿಕೆಟ್ ಆಟದ ಮೇಲಿನ ಪ್ರೀತಿ, ಓದುವಾಗ ತೂಕಡಿಸುವುದು ಸೇರಿದಂತೆ ನಮ್ಮದೇ ಬಾಲ್ಯದ ದಿನಗಳ ಅನೇಕ ಮಧುರ ಕ್ಷಣಗಳನ್ನು ಮೆಲುಕು ಹಾಕಿಸುತ್ತಿದೆ ಈ ಕ್ಲಿಪ್.

“India Vignettes, a compilation!” ಹೆಸರಿನ ಈ ಕ್ಲಿಪ್‌ಗೆ ಅದಾಗಲೇ 70 ಲಕ್ಷಕ್ಕೂ ಅಧಿಕ ವೀವ್ಸ್ ಸಿಕ್ಕಿವೆ.