ಲಖನೌನಲ್ಲಿ ಮಿಡತೆಗಳ ಹಿಂಡು ಎಲ್ಲೆಂದರಲ್ಲಿ ಕಾಣಿಸಿಕೊಂಡು ಆತಂಕ ಸೃಷ್ಟಿಸಿವೆ. ಬೆಳೆಗಳನ್ನು ನಾಶ ಮಾಡಬಲ್ಲ ಈ ಮಿಡತೆಗಳು ಭಾರೀ ಸಂಖ್ಯೆಯಲ್ಲಿ ಕಾಣಿಸಿಕೊಂಡು ಆಗಸವನ್ನೇ ಕತ್ತಲಾಗಿಸಿರುವ ಸಾಕಷ್ಟು ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನಗರದ ಆಟದ ಮೈದಾನಗಳು, ಮಾರುಕಟ್ಟೆಗಳು ಹಾಗೂ ವಸತಿ ಸಮುಚ್ಛಯಗಳ ಮೇಲೆ ಈ ಮಿಡತೆಗಳು ದಾಳಿ ಮಾಡಿರುವ ವಿಡಿಯೋಗಳನ್ನು ಸ್ಥಳೀಯರು ರೆಕಾರ್ಡಿಂಗ್ ಮಾಡಿಕೊಂಡಿದ್ದಾರೆ. ಇವುಗಳನ್ನು ಓಡಿಸಲೆಂದು ಜನರು ಪಟಾಕಿಗಳನ್ನು ಹಚ್ಚಿದ್ದಲ್ಲದೇ ತಮಟೆಗಳನ್ನೂ ಸಹ ಬಡಿಯುತ್ತಿರುವುದು ಕಂಡುಬಂದಿದೆ.