ಸಾಧನೆಯ ಛಲಕ್ಕೆ ಅಡ್ಡಿಯಾಗಲಿಲ್ಲ ದೈಹಿಕ ನ್ಯೂನ್ಯತೆ..!

ನಾಸಿಕ್​ ಮೂಲದ 34 ವರ್ಷದ ಕವಿತಾ ಭೋಂಡ್ವೆ ಎಂಬವರು ತಮ್ಮ ಅಂಗವೈಕಲ್ಯದ ಹೊರತಾಗಿಯೂ ಎರಡು ಗ್ರಾಮಗಳ ಸರಪಂಚ್​ ಆಗುವ ಮೂಲಕ ಇತರರಿಗೆ ಮಾದರಿಯಾಗಿದ್ದಾರೆ.

ತಮ್ಮ 25ನೇ ವಯಸ್ಸಿನಲ್ಲೇ ದಿಂಡೋರಿ ಹಾಗೂ ದಹೇಂಗಾವ್​ ಜಿಲ್ಲೆಯ ಸರಪಂಚ್​ ಆಗಿದ್ದರು. ಇದೀಗ ತಮ್ಮ ಎರಡನೇ ಅವಧಿಯ ಆಡಳಿತವನ್ನ ಅವರು ನಡೆಸುತ್ತಿದ್ದಾರೆ.

ಅಂಗವೈಕಲ್ಯದ ಸಮಸ್ಯೆ ಕವಿತಾರ ಅಭಿವೃದ್ಧಿಗೆ ಅಡ್ಡಿಯಾಗೋಕೆ ಅವರು ಬಿಡಲಿಲ್ಲ. ಸಾಮಾಜಿಕ ಒತ್ತಡ, ದೈಹಿಕ ನ್ಯೂನ್ಯತೆ ಈ ಎಲ್ಲ ಸಮಸ್ಯೆಗಳನ್ನ ಮೆಟ್ಟಿ ನಿಂತ ಕವಿತಾ ಪ್ರಧಾನ್​ ಮಂತ್ರಿ ಆವಾಸ್​ ಯೋಜನೆಯಡಿಯಲ್ಲಿ ಕುಡಿಯುವ ನೀರು, ಗ್ರಾಮಗಳಿಗರ ರಸ್ತೆ, ನಿರಾಶ್ರಿತರಿಗೆ ಮನೆ ಸೇರಿದಂತೆ ಹಲವು ಸೌಕರ್ಯಗಳನ್ನ ಒದಗಿಸಿಕೊಟ್ಟಿದ್ದಾರೆ.

ನನ್ನ ದೇಹ ನ್ಯೂನತೆ ನೋಡಿ ನಕ್ಕವರು ಅನೇಕರು. ಈ ರೀತಿಯ ದೇಹವನ್ನಿಟ್ಟುಕ್ಕೊಂಡು ಹೇಗೆ ಗ್ರಾಮದ ಜವಾಬ್ದಾರಿ ವಹಿಸಿಕೊಳ್ತಾರೆ ಅಂತಾ ಅನೇಕರು ಪ್ರಶ್ನೆ ಮಾಡಿದ್ದರು. ಆದರೆ ನಾನು ಇಂತಹ ಮಾತುಗಳಿಂದ ಕುಗ್ಗಲಿಲ್ಲ. ನನ್ನ ಕುಟುಂಬದ ಬೆಂಬಲದಿಂದ ನಾನು ಈ ಮಟ್ಟಕ್ಕೆ ಬೆಳೆದು ನಿಂತಿದ್ದೇನೆ ಅಂತಾ ಕವಿತಾ ಹೇಳಿದ್ದಾರೆ.