ಬಾಯ್ ಫ್ರೆಂಡ್ ನಂಬಿ ಡೂಪ್ಲಿಕೇಟ್ ಕೀ ಕೊಟ್ಟು ಇಂಗು ತಿಂದ ಮಂಗನಂತಾದ ಯುವತಿ

ಪರಸ್ಪರ ಪ್ರೇಮಿಸಿಕೊಳ್ಳೋದು ಜಗತ್ತಿನ ಅತೀ ಸುಂದರವಾದ ಸಂಬಂಧಗಳಲ್ಲಿ ಒಂದು ಎಂದು ಹೇಳಲಾಗುತ್ತೆ. ಆದರೆ ಮುಂಬೈನ ಯುವತಿಯೊಬ್ಬಳಿಗೆ ಆಕೆಯ ಪ್ರೀತಿ ಭಾರೀ ನಷ್ಟವನ್ನ ತಂದೊಡ್ಡಿದೆ.

ಬಾಯ್​ ಫ್ರೆಂಡ್​ನ ನಂಬಿ ಮನೆಯ ಇನ್ನೊಂದು ಕೀಯನ್ನ ಆತನಿಗೆ ನೀಡಿದ್ರೆ ಪುಣ್ಯಾತ್ಮ ಸರಿಯಾದ ಸಮಯ ನೋಡಿಕೊಂಡು ಆಕೆಯ ಮನೆಯಿಂದ ಬರೋಬ್ಬರಿ 13 ಲಕ್ಷ ಮೌಲ್ಯದ ವಸ್ತುಗಳನ್ನ ದೋಚಿ ಎಸ್ಕೇಪ್​ ಆಗಿದ್ದಾನೆ.

ಪ್ರಿಯತಮೆ ಕುಟುಂಬಸ್ಥರ ಜೊತೆ ಟ್ರಿಪ್​ಗೆ ಹೋಗಿದ್ದ ವೇಳೆ ಬಾಯ್​ಪ್ರೆಂಡ್​ ಈ ಐನಾತಿ ಕೆಲಸ ಮಾಡಿದ್ದಾನೆ. ಯುವತಿ ಮನೆಯವರು ಫ್ಯಾಮಿಟಿ ಟೂರ್​ ಪ್ಲಾನ್​ ಮಾಡಿದ್ದರು. ಆದರೆ ಆಕೆ ತನ್ನ ಲವರ್​ ಜೊತೆ ಸಮಯ ಕಳೆಯಬಹುದು ಅಂತಾ ಟ್ರಿಪ್​ಗೆ ಬರಲ್ಲ ಎಂದು ಹೇಳಿದ್ದಾಳೆ.

ಆದರೆ ಆಕೆಯನ್ನ ಒಂಟಿಯಾಗಿ ಮನೆಯಲ್ಲಿ ಬಿಟ್ಟು ಹೋಗಲು ಇಚ್ಚಿಸದ ಆಕೆಯ ತಂದೆ ಕೊನೆಗೂ ಅವಳನ್ನ ಟ್ರಿಪ್​​ಗೆ ಕರೆದೊಯ್ದಿದ್ದಾರೆ. ಇದೇ ಸಮಯವನ್ನ ಬಳಸಿಕೊಂಡ ಆರೋಪಿ ಈ ಕೃತ್ಯ ಎಸಗಿದ್ದಾನೆ.

ಈತ ಮನೆಯ ಡೂಪ್ಲಿಕೇಟ್​ ಕೀಗಳನ್ನ ಬಳಸಿ ಈ ಕೃತ್ಯ ಎಸಗಿದ್ದಾನೆ ಎನ್ನಲಾಗಿದೆ. ಜನವರಿ 27ರಂದು ಆಕೆ ಕುಟುಂಬಸ್ಥರ ಜೊತೆಗೆ ಮನೆಗೆ ವಾಪಸ್ಸಾಗುತ್ತಿದ್ದಂತೆಯೇ ಕಳ್ಳತನ ಬೆಳಕಿಗೆ ಬಂದಿದೆ. ಈ ಸಂಬಂಧ ಕೊಲಾಬಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ತನಿಖೆಯ ವೇಳೆ ಪೋಷಕರು ಮಗಳ ಮೇಲೆಯೇ ಅನುಮಾನಪಟ್ಟಿದ್ದಾರೆ. ಆಕೆ ಟೂರ್​ಗೆ ಬರಲು ಒಪ್ಪದಿರೋದೇ ಈ ಕಾರಣಕ್ಕೆ ಎಂದು ತಿಳಿದಿದ್ರು. ಆದರೆ ಯುವತಿಯನ್ನ ವಿಚಾರಣೆ ನಡೆಸಿದ ವೇಳೆ ಆಕೆ ಡುಪ್ಲಿಕೇಟ್​ ಕೀಯನ್ನ ತನ್ನ ಪ್ರಿಯತಮನಿಗೆ ನೀಡಿರೋದಾಗಿ ಹೇಳಿದ್ದಾಳೆ.