ಕುಸಿದು ಬಿದ್ದ ವ್ಯಕ್ತಿಯ ಪ್ರಾಣ ರಕ್ಷಿಸಿದ ಯೋಧ…!

ದೆಹಲಿ ಮೆಟ್ರೋ ನಿಲ್ದಾಣದಲ್ಲಿ ಕುಸಿದುಬಿದ್ದ ವ್ಯಕ್ತಿಯನ್ನ ಪ್ರಾಣಾಪಾಯದಿಂದ ಕಾಪಾಡುವ ಮೂಲಕ ಸಿಐಎಸ್​ಎಫ್​ ಪೇದೆ ಸಾಮಾಜಿಕ ಜಾಲತಾಣದಲ್ಲಿ ಮೆಚ್ಚುಗೆ ಗಳಿಸುತ್ತಿದ್ದಾರೆ.

ದಾಬ್ರಿ ಮೆಟ್ರೋ ನಿಲ್ದಾಣದಲ್ಲಿ ಪೇದೆ ವಿಕಾಸ್​ ಕರ್ತವ್ಯದಲ್ಲಿದ್ದರು. ಸಂಜೆ 6:50ರ ಸುಮಾರಿಗೆ ಈ ಘಟನೆ ಸಂಭವಿಸಿದೆ. ಸಿಸಿ ಟಿವಿ ದೃಶ್ಯಾವಳಿ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ರೌಂಡ್ಸ್ ಹಾಕುತ್ತಿದೆ.

22 ಸೆಕೆಂಡ್​ಗಳ ಕ್ಲಿಪ್​ನಲ್ಲಿ ಸಿಐಎಸ್​ಎಫ್​ ಯೋಧನ ಪಕ್ಕದಲ್ಲೇ ನಿಂತಿದ್ದ ವ್ಯಕ್ತಿ ನಡುಗುತ್ತಿರೋದನ್ನ ನೀವು ನೋಡಬಹುದಾಗಿದೆ. ಬಳಿಕ ವ್ಯಕ್ತಿ ನೆಲಕ್ಕೆ ಕುಸಿದುಬಿದ್ದಿದ್ದಾನೆ. ಕೂಡಲೇ ಕುಳಿತಲ್ಲಿಂದ ಎದ್ದು ಬಂದ ಪೇದೆ, ಆತನ ಎದ್ದೆಯನ್ನ ಜೋರಾಗಿ ಒತ್ತೋದ್ರ ಮೂಲಕ ಹೃದಯ ಬಡಿತ ನಿಲ್ಲದಂತೆ ನೋಡಿಕೊಂಡಿದ್ದಾರೆ.

ನೆಲದ ಮೇಲೆ ಬಿದ್ದಿದ್ದರಿಂದ ವ್ಯಕ್ತಿಯ ಮುಖ ಹಾಗೂ ಮೂಗಿನಲ್ಲಿ ಗಾಯಗಳಾಗಿದೆ. ಹಾಗೂ ಯೋಧನ ಸಹಾಯದಿಂದ ಪ್ರಾಣಾಪಾಯದಿಂದ ಪಾರಾದ ವ್ಯಕ್ತಿಯನ್ನ ಸತ್ಯನಾರಾಯಣ ಎಂದು ಗುರುತಿಸಲಾಗಿದೆ. ಇವರು ದೆಹಲಿಯ ಜಾನಕಪುರಿ ನಿವಾಸಿಯಾಗಿದ್ದಾರೆ. ಯೋಧನ ಸಹಾಯಕ್ಕೆ ಸತ್ಯನಾರಾಯಣ ಧನ್ಯವಾದ ಅರ್ಪಿಸಿದ್ದಾರೆ.