ರೊಟ್ಟಿಯ ಮೇಲೆ ಎಂಜಲು ಉಗಿದವನು ʼಅರೆಸ್ಟ್ʼ

ಒಲೆಯ ಮೇಲೆ ರೊಟ್ಟಿಯನ್ನ ಬೇಯಿಸಲು ಇಡುವ ಮುನ್ನ ರೊಟ್ಟಿಯ ಮೇಲೆ ಉಗುಳಿದ ಹಿನ್ನೆಲೆ 25 ವರ್ಷದ ವ್ಯಕ್ತಿಯನ್ನ ಬಂಧಿಸಲಾಗಿದೆ.
ಬಂಧಿತ ವ್ಯಕ್ತಿಯನ್ನ ಖಾಲಿಕ್​​ ಎಂದು ಗುರುತಿಸಲಾಗಿದೆ. ಈತ ಬಿಹಾರದ ಕಿಶನ್​ಗಂಜ್​ ಜಿಲ್ಲೆಯ ನಿವಾಸಿಯಾಗಿದ್ದಾನೆ.

ಈತ ರೊಟ್ಟಿಯ ಮೇಲೆ ಉಗುಳುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಶೇರ್​ ಆದ ಬಳಿಕ ಪೊಲೀಸರು ಈತನನ್ನ ಬಂಧಿಸಿದ್ದಾರೆ.

ವಿಡಿಯೋವನ್ನ ನೋಡ್ತಿದ್ರೆ ಈ ಯುವಕ ಯಾವುದೋ ಸಮಾರಂಭದಲ್ಲಿ ಅತಿಥಿಗಳಿಗೆ ಆಹಾರ ತಯಾರಿಸುತ್ತಿದ್ದಂತೆ ಕಾಣುತ್ತಿದೆ. ರೊಟ್ಟಿಯನ್ನ ನಾದಿದ ಬಳಿಕ ಅದರ ಮೇಲೆ ಉಗಿದು ಬಳಿಕ ಒಲೆಯ ಮೇಲಿಟ್ಟು ಬೇಯಿಸಿದ್ದಾನೆ. ಕಳೆದ ತಿಂಗಳು ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿತ್ತು.