ಪೊಲೀಸ್‌ ಠಾಣೆ ಸಿಸಿ ಟಿವಿಯಲ್ಲಿ ಸೆರೆಯಾಯ್ತು ಬೆಚ್ಚಿಬೀಳಿಸುವ ದೃಶ್ಯ

ಗೋವುಗಳ ಹಿಂಡೊಂದನ್ನು ಅಟ್ಟಿಸಿಕೊಂಡು ಹೋಗುತ್ತಿದ್ದ ಚಿರತೆಯೊಂದರ ವಿಡಿಯೋವೊಂದನ್ನು ಉತ್ತರಾಖಂಡದ ದೇವಪ್ರಯಾಗದ ಪೊಲೀಸ್ ಠಾಣೆಯೊಂದರ ಹೊರ ಭಾಗದಲ್ಲಿದ್ದ ಸಿಸಿಟಿವಿ ಕ್ಯಾಮೆರಾ ಸೆರೆ ಹಿಡಿದಿದೆ.

ಈ ವಿಡಿಯೋವನ್ನು ಭಾರತೀಯ ಅರಣ್ಯ ಸೇವೆ ಅಧಿಕಾರಿ ವೈಭವ್ ಸಿಂಗ್ ಶೇರ್‌ ಮಾಡಿಕೊಂಡಿದ್ದಾರೆ. ವಿಡಿಯೋದ ಆರಂಭದಲ್ಲಿ ಗೋವುಗಳ ಹಿಂಡು ದಿಕ್ಕಾಪಾಲಾಗಿ ಓಡುತ್ತಿರುವುದನ್ನು ಕಾಣಬಹುದಾಗಿದ್ದು, ಅವುಗಳನ್ನು ಚಿರತೆ ಅಟ್ಟಿಸಿಕೊಂಡು ಹೋಗುತ್ತಿರುವುದನ್ನು ಗಮನಿಸಬಹುದಾಗಿದೆ.

ಏನಾಗುತ್ತಿದೆ ಎಂದು ಗಮನಿಸಲು ಹೊರಗೆ ಬಂದ ಪೇದೆಯೊಬ್ಬರು ಚಿರತೆಯನ್ನು ಕಂಡು ಗಾಬರಿಯಾಗಿ ಠಾಣೆಯೊಳಗೆ ಹೊಕ್ಕಿದ್ದನ್ನು ಸಹ ಇದೇ ವೇಳೆ ನೋಡಬಹುದಾಗಿದೆ.