ದೇಹದಂಡನೆ ಮಾಡಬೇಕು ಅಂತಾ ಜಿಮ್ಗೆ ಹೋಗುವ ಪ್ರತಿಯೊಬ್ಬರಿಗೂ ಟ್ರೆಡ್‌ಮಿಲ್ ಮೇಲೆ ಜಾಗಿಂಗ್ ಮಾಡೋಕೆ ಗೊತ್ತಿರುತ್ತೆ, ಈ ಟ್ರೆಡ್ಮಿಲ್ನ್ನು ಹತ್ತುವಾಗ ಹಾಗೂ ಇಳಿಯುವಾಗ ಸರಿಯಾದ ಕ್ರಮವನ್ನ ಅನುಸರಿಸಬೇಕಾಗುತ್ತೆ. ಆದರೆ ಇಲ್ಲೊಬ್ಬ ಭೂಪ ಓಡುತ್ತಿರುವ ಟ್ರೆಡ್ ಮಿಲ್ ಮೇಲೆ ಕಾಲಿಡೋಕೆ ಹೋಗಿ ಜಾರಿ ಬಿದ್ದಿದ್ದಾನೆ. ಇಷ್ಟು ಮಾತ್ರವಲ್ಲದೇ ಆತನ ಪ್ಯಾಂಟ್ ಕೂಡ ಕಳಚಿ ಹೋಗಿದ್ದು ಈ ವಿಡಿಯೋ ನೋಡಿದ ನೆಟ್ಟಿಗರು ಬಿದ್ದು ಬಿದ್ದು ನಗುತ್ತಿದ್ದಾರೆ.
ಟ್ರೆಡ್ಮಿಲ್ನ್ನು ಹತ್ತಿದ ಬಳಿಕ ಅದನ್ನ ಆನ್ ಮಾಡಬೇಕು. ನಿಧಾನವಾಗಿ ವೇಗವನ್ನ ಹೆಚ್ಚಿಸುತ್ತಾ ಬಳಿಕ ಜಾಗಿಂಗ್ ಇಲ್ಲವೇ ವಾಕಿಂಗ್ ಮಾಡಬಹುದು. ಆದರೆ ಈ ಪುಣ್ಯಾತ್ಮ ಮಾತ್ರ ಸಿಕ್ಕಾಪಟ್ಟೆ ವೇಗವಾಗಿ ಚಲಿಸುತ್ತಿದ್ದ ಟ್ರೆಡ್ಮಿಲ್ನ್ನು ಹತ್ತಿ ಈ ಅವಾಂತರ ಮಾಡಿಕೊಂಡಿದ್ದಾನೆ.
ಅಂದ ಹಾಗೆ ಈತನಿಗೆ ಅಂತಹ ಗಂಭೀರ ಗಾಯವೇನು ಆಗಿಲ್ಲ. ನೋಡೋಕೆ ಈ ವಿಡಿಯೋ ತಮಾಷೆ ಎನಿಸಿದ್ರೂ ಸಹ ಆತನ ಜೀವಕ್ಕೇ ಅಪಾಯವಾಗುವ ಎಲ್ಲಾ ಸಾಧ್ಯತೆಗಳೂ ಇದ್ದವು ಎಂಬ ಮಾತನ್ನೂ ನಾವು ತಳ್ಳಿ ಹಾಕುವಂತಿಲ್ಲ. ಹೀಗಾಗಿ ಯಾರೂ ಸಹ ಇಂತಹ ಹುಚ್ಚಾಟಗಳನ್ನ ತಮಾಷೆಗೂ ಪ್ರದರ್ಶಿಸದಿರಿ.
Loading ...