ಲಖನೌ: ಕರೊನಾ ಲಾಕ್ಡೌನ್ ಸಮಯದಲ್ಲಿ ಬೆಳೆದ ದುಶೇರಿ ಮಾವಿನ ಹಣ್ಣಿನ ಹೊಸ ತಳಿಯೊಂದಕ್ಕೆ “ಡಾಕ್ಟರ್ ಮ್ಯಾಂಗೊ” ಎಂದು ಹೆಸರಿಡಲಾಗಿದೆ.
ಮ್ಯಾಂಗೊ ಮ್ಯಾನ್ ಎಂದೇ ಪ್ರಸಿದ್ಧಿ ಪಡೆದ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಹಾಜಿ ಖಲಿಮುಲ್ಲಾ ಹೊಸ ತಳಿಗೆ ವೈದ್ಯರ ಹೆಸರಿಟ್ಟಿದ್ದಾರೆ. ಲಖನೌ ಹೊರ ವಲಯದ ಮಹಿಲಾಬಾದ್ ಎಂಬಲ್ಲಿನ ತೋಟದಲ್ಲಿ ಹೊಸ ಮಾವಿನ ತಳಿಗಳನ್ನು ಬೆಳೆದು ಹಾಜಿ ಹೆಸರಾಗಿದ್ದಾರೆ. ಕಳೆದ ವರ್ಷ ಅವರು ತಳಿಯೊಂದಕ್ಕೆ ಅಮಿತ್ ಷಾ ಎಂದು ಹೆಸರಿಟ್ಟಿದ್ದರು. 2015 ರಲ್ಲಿ ತಳಿಯೊಂದಕ್ಕೆ ನರೇಂದ್ರ ಮೋದಿ ಎಂಬ ಹೆಸರಿಟ್ಟಿದ್ದರು.
ಈಗ ವೈದ್ಯರು, ಹಾಗೂ ವೈದ್ಯಕೀಯ ಸಿಬ್ಬಂದಿ ಕರೋನಾ ನಿರ್ಮೂಲನೆಗೆ ಪಣ ತೊಟ್ಟಿದ್ದರಿಂದ ಅವರ ಗೌರವಾರ್ಥ ಈ ಹೆಸರಿಡಲಾಗಿದೆ ಎಂದು ಹಾಜಿ ಖಲಿಮುಲ್ಲಾ ಹೇಳಿದ್ದಾರೆ.