ಧರ್ಮದ ಕಾರಣಕ್ಕೆ ವಿವಾದಕ್ಕೆ ಗುರಿಯಾಯ್ತು ವೈದ್ಯಕೀಯ ವಿದ್ಯಾರ್ಥಿಗಳ ನೃತ್ಯ 09-04-2021 12:15PM IST / No Comments / Posted In: Latest News, India ಕೆಲ ದಿನಗಳ ಹಿಂದೆ ಸೋಶಿಯಲ್ ಮೀಡಿಯಾದಲ್ಲಿ ಡ್ಯಾನ್ಸ್ ವಿಡಿಯೋವೊಂದು ಭಾರೀ ವೈರಲ್ ಆಗಿತ್ತು. ಇದರಲ್ಲಿ ಇಬ್ಬರು ವೈದ್ಯಕೀಯ ವಿದ್ಯಾರ್ಥಿಗಳು ಕೇರಳದ ತ್ರಿಶೂರ್ ಮೆಡಿಕಲ್ ಕಾಲೇಜಿನಲ್ಲಿ ನೃತ್ಯ ಮಾಡಿದ್ದರು. ಈ ವಿಡಿಯೋದಲ್ಲಿ ನವೀನ್ ಕೆ. ರಜಾಕ್ ಹಾಗೂ ಜಾನಕಿ ಓಂಕುಮಾರ್ ಎಂಬವರು 1978ರ ಹಿಟ್ ಸಾಂಗ್ ರಾಸ್ಪುಟಿನ್ಗೆ ಭರ್ಜರಿ ಹೆಜ್ಜೆ ಹಾಕಿದ್ದರು. ಕಾಲೇಜು ಕಾರಿಡಾರಿನಲ್ಲಿ ನೃತ್ಯ ಮಾಡಿದ್ದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಧೂಳೆಬ್ಬಿಸಿತ್ತು. ಮೊದ ಮೊದಲು ಇವರಿಬ್ಬರ ನೃತ್ಯಕ್ಕೆ ನೆಟ್ಟಿಗರು ಫಿದಾ ಆಗಿದ್ದರು. ಆದರೆ ಈಗ ಇದಕ್ಕೆ ಹೊಸ ಟ್ವಿಸ್ಟ್ ಸಿಕ್ಕಿದೆ. ಇಲ್ಲಿ ನೃತ್ಯ ಮಾಡಿದ ಯುವಕನ ಹೆಸರು ನವೀನ್ ಕೆ. ರಜಾಕ್ ಆಗಿದ್ದರಿಂದ ಇದು ಕಟ್ಟಾ ಹಿಂದೂವಾದಿಗಳನ್ನ ಕೆರಳಿಸಿದೆ. ಇಲ್ಲಿ ನೃತ್ಯ ಮಾಡಿದವರ ಹೆಸರು ಜಾನಕಿ ಓಮ್ಕುಮಾರ್ ಹಾಗೂ ನವೀನ್ ಕೆ. ರಜಾಕ್. ನನಗೆ ಇಲ್ಲೇನೋ ಸಂಶಯಾಸ್ಪದ ಸಂಗತಿ ಎಂದೆನಿಸುತ್ತಿದೆ. ಜಾನಕಿ ಪೋಷಕರು ಆದಷ್ಟು ಎಚ್ಚರದಿಂದ ಇರೋದು ಉತ್ತಮ ಎಂದು ವಕೀಲ ಕೃಷ್ಣ ರಾಜ್ ಬರೆದಿದ್ದಾರೆ. ಇದೇ ರೀತಿಯ ಸಾಕಷ್ಟು ಕಮೆಂಟ್ಗಳು ಸೋಶಿಯಲ್ ಮೀಡಿಯಾದಲ್ಲಿ ತುಂಬಿ ಹೋಗಿದೆ. ಅನೇಕರು ಇವರಿಬ್ಬರ ನಡುವೆ ಲವ್ ಜಿಹಾದ್ ಆಗಬಹುದು ಎಂದು ಶಂಕಿಸುತ್ತಿದ್ದಾರೆ. View this post on Instagram A post shared by Naveen K Razak (@naveen_k_razak)