ಬೃಹನ್ಮುಂಬೈ ಮುನ್ಸಿಪಲ್ ಕಾರ್ಪೋರೇಷನ್ನ ಉಪ ಕಮಿಷನರ್ ರಮೇಶ್ ಪವಾರ್, ಕುಡಿಯುವ ನೀರು ಎಂದುಕೊಂಡು ತಪ್ಪಾಗಿ ಸ್ಯಾನಿಟೈಸರ್ ಕುಡಿದಿದ್ದಾರೆ. ಸಿವಿಕ್ ಬಾಡಿಯ ಶಿಕ್ಷಣ ಬಜೆಟ್ ಮಂಡಿಸುವ ವೇಳೆ ಈ ಘಟನೆ ಸಂಭವಿಸಿದೆ.
ಕುಡಿಯುವ ನೀರಿನ ಬಾಟಲಿಯ ಪಕ್ಕದಲ್ಲೇ ಸ್ಯಾನಿಟೈಸರ್ ಬಾಟಲಿಯನ್ನೂ ಇಡಲಾಗಿತ್ತು. ಹೀಗಾಗಿ ರಮೇಶ್ ಪವಾರ್ ಈ ಯಡವಟ್ಟನ್ನ ಮಾಡಿಕೊಂಡಿದ್ದಾರೆ.
ಬಜೆಟ್ ಮಂಡಿಸೋದಕ್ಕೂ ಮುನ್ನ ರಮೇಶ್ ನೀರನ್ನ ಕುಡಿಯೋಕೆ ನಿರ್ಧರಿಸಿದ್ದಾರೆ. ಹೀಗಾಗಿ ನೀರಿನ ಬಾಟಲಿಯನ್ನ ಎತ್ತಿಕೊಳ್ಳುವ ಜಾಗದಲ್ಲಿ ತಪ್ಪಾಗಿ ಸ್ಯಾನಿಟೈಸರ್ ಬಾಟಲಿ ಎತ್ತಿದ್ದಾರೆ. ಸ್ಯಾನಿಟೈಸರ್ ಎಂದು ಗೊತ್ತಾಗುತ್ತಿದ್ದಂತೆಯೇ ಅದನ್ನ ಹೊರಕ್ಕುಗುಳಿದ್ದಾರೆ.
ಈ ಘಟನೆ ಬಳಿಕ ಸಣ್ಣ ವಿರಾಮ ತೆಗೆದುಕೊಂಡ ರಮೇಶ್ ಬಳಿಕ ತಮ್ಮ ಸ್ಥಾನಕ್ಕೆ ವಾಪಸ್ಸಾಗಿದ್ದಾರೆ. ಹಾಗೂ ಬಜೆಟ್ ಮಂಡನೆ ಮುಂದುವರಿಸಿದ್ದಾರೆ. ರಮೇಶ್ ಆರೋಗ್ಯದಲ್ಲಿ ಯಾವುದೇ ಏರುಪೇರು ಸಂಭವಿಸಿಲ್ಲ.
Loading ...