ವೃದ್ಧ ದಂಪತಿಯ ಸಂಕಷ್ಟಕ್ಕೆ ಮರುಗಿ ಉಚಿತ ನೇತ್ರ ಚಿಕಿತ್ಸೆ

ಸೋಶಿಯಲ್​ ಮೀಡಿಯಾದಲ್ಲಿ ಆಕ್ಟಿವ್​ ಆಗಿರೋ ಎಲ್ಲರಿಗೂ ಬಾಬಾ ಕಾ ಡಾಬಾ ಬಗ್ಗೆ ಗೊತ್ತೇ ಇರಬೇಕು. ಯಾಕಂದ್ರೆ ಸಾಮಾಜಿಕ ಜಾಲತಾಣದಲ್ಲಿ ಬಾಬಾ ಕಾ ಡಾಬಾ ಮಾಲೀಕನ ವಿಡಿಯೋ ಎಷ್ಟರ ಮಟ್ಟಿಗೆ ವೈರಲ್​ ಆಗಿತ್ತು ಅಂದರೆ ಒಂದೇ ದಿನದ ಒಳಗಾಗಿ ಡಾಬಾದಲ್ಲಿ ಜನಸಾಗರವೇ ನೆರೆದಿತ್ತು.

ಇದೀಗ ಬಾದಾಮಿ ದೇವಿ ಹಾಗೂ ಕಾಂತಾ ಪ್ರಸಾದ್​ರಿಗೆ ಸಂಬಂಧಿಸಿದ ಮತ್ತೊಂದು ಪೋಸ್ಟ್ ಸೋಶಿಯಲ್​ ಮೀಡಿಯಾದಲ್ಲಿ ಸಖತ್​ ವೈರಲ್​ ಆಗ್ತಿದೆ. ದೆಹಲಿಯ ನೇತ್ರಾಲಯವೊಂದರಲ್ಲಿ ಬಾದಾಮಿ ದೇವಿ ಹಾಗೂ ಕಾಂತ ಪ್ರಸಾದ್​ಗೆ ಕಣ್ಣಿನ ಪೊರೆ ಚಿಕಿತ್ಸೆ ನೀಡಲಾಗಿದೆ.

ಈ ಫೋಟೋವನ್ನ ಶೇರ್​ ಮಾಡಿರುವ ವಸುಂಧರಾ ಎಂಬವರು, ನನ್ನ ಸ್ನೇಹಿತನ ತಂದೆ ಈ ವೃದ್ಧ ದಂಪತಿಯ ಕಣ್ಣಿಗೆ ಪೊರೆ ಬಂದಿರೋದನ್ನ ಗಮನಿಸಿದ್ದರು. ಹೀಗಾಗಿ ದೆಹಲಿಯಲ್ಲಿರುವ ನಮ್ಮ ಚಿಕಿತ್ಸಾಲಯದಲ್ಲಿ ಉಚಿತ ಚಿಕಿತ್ಸೆ ನೀಡಲಾಗಿದೆ ಅಂತಾ ಬರೆದುಕೊಂಡಿದ್ದಾರೆ.