ಆಂಧ್ರ ಪ್ರದೇಶಾದ್ಯಂತ ಗುರುವಾರದಂದು ಮಂಡಲ ಹಾಗೂ ಜಿಲ್ಲಾ ಪಂಚಾಯಿತಿ ಚುನಾವಣೆಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಈ ಚುನಾವಣೆ ವೇಳೆ ಮತದಾನ ಮಾಡಿದ ಯುವಕನೊಬ್ಬ ಮತಚೀಟಿಯೊಂದಿಗೆ ಸೆಲ್ಫಿ ತೆಗೆದುಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿದ ಕಾರಣ ಆತನ ಮತವನ್ನು ಅಸಿಂಧುಗೊಳಿಸಲಾಗಿದೆ.
ಪೂರ್ವ ಗೋದಾವರಿಯ ಪಲ್ಲಂಕುರ‍್ರು ಮತಗಟ್ಟೆ ಬಳಿ ಏಪ್ರಿಲ್ 8ರಂದು ಈ ಘಟನೆ ಜರುಗಿದೆ. ಕಾಶಿ ವೆಂಕಟರಮಣ ಹೆಸರಿನ ಈ ಯುವಕ ತನ್ನ ಮತಚೀಟಿಯಲ್ಲಿದ್ದ ಗುರುತೊಂದಕ್ಕೆ ಮತ ಚಲಾಯಿಸಿ, ಬಳಿಕ ಅದರೊಂದಿಗೆ ಸೆಲ್ಫೀ ತೆಗೆದುಕೊಂಡು ಶೇರ್‌ ಮಾಡಿದ್ದಾನೆ. ಈ ಕಾರಣದಿಂದ ಆತನ ಮತವನ್ನೇ ರದ್ದು ಮಾಡಲಾಗಿದೆ.
ಭಾವಿ ಪತಿಯ ಲವ್ವಿ ಡವ್ವಿ: ಮಸಣ ಸೇರಿದ ಹಸೆಮಣೆ ಏರಬೇಕಾದ ಯುವತಿ..!
ಪಂಚಾಯತ್‌ ರಾಜ್‌ ಕಾಯಿದ 1994ರ ನೀತಿ ಸಂಹಿತೆ ಉಲ್ಲಂಘನೆ ಮಾಡಿದ ಈ ಯುವಕನ ಮತವನ್ನು ಪೂರ್ವ ಗೋದಾವರಿ ಜಿಲ್ಲಾ ಕಲೆಕ್ಟರ್‌ ಹಾಗೂ ಜಿಲ್ಲಾ ಚುನಾವಣಾಧಿಕಾರಿ ಡಿ. ಮುರಳೀಧರ ರೆಡ್ಡಿ ಅಸಿಂಧುವೆಂದು ನಿರ್ಣಯಿಸಿದ್ದಾರೆ. ಪ್ರಕರಣ ಸಂಬಂಧ ತನಿಖೆಗೆ ಆದೇಶಿಸಲಾಗಿದೆ.
Loading ...