ದಶಕ ಮೀರಿ ಸೇವೆ ನೀಡಿದ ಬಳಿಕ ಅಡೋಬಿ ಫ್ಲಾಶ್ ಪ್ಲೇಯರ್ 2020ರ ಕೊನೆಯ ದಿನದಂದು ತನ್ನ ಫ್ಲಾಶ್ ಪ್ಲೇಯರ್ ಅನ್ನು ಸ್ಥಗಿತಗೊಳಿಸಿದೆ.
ಈ ಸಂಬಂಧ ನೆಟ್ಟಿಗರು #RIPAdobeFlash ಟ್ಯಾಗ್ನಲ್ಲಿ ಬೇಸರದ ಸಂದೇಶಗಳನ್ನು ಹಾಕುವ ಮೂಲಕ ಅಡೋಬಿ ಫ್ಲಾಶ್ಗೆ ಭಾವಪೂರ್ಣ ವಿದಾಯ ಹೇಳುತ್ತಿದ್ದಾರೆ. ಇದೀಗ ಫ್ಲಾಶ್ ಸೇವೆಗೆ ಬೆಂಬಲ ಕೊಡುವುದನ್ನು ಅಡೋಬಿ ನಿಲ್ಲಿಸಿಬಿಟ್ಟಿದೆ.
1996ರಲ್ಲಿ ತನ್ನ ಪಯಣ ಆರಂಭಿಸಿದ ಈ ಬ್ರೌಸರ್ ಪ್ಲಗ್-ಇನ್ ಸೇವೆಯ ಮೂಲಕ ಬಹಳ ಕ್ರಿಯಾತ್ಮಕ ಅನಿಮೇಷನ್ಗಳು ಹಾಗೂ ಇಂಟರ್ ಆಕ್ಟೀವ್ ಸೇವೆಗಳು ಲಭ್ಯವಿದ್ದವು. ಜನವರಿ 12ರವರೆಗೂ ಫ್ಲಾಶ್ ಪ್ಲೇಯರ್ ಅನ್ನು ಅಡೋಬಿ ಬ್ಲಾಕ್ ಮಾಡದೇ ಇದ್ದರೂ ಸಹ ಮೈಕ್ರೋಸಾಫ್ಟ್ ಸೇರಿದಂತೆ ದೊಡ್ಡ ಬ್ರೌಸರ್ಗಳು ಜನವರಿ 1ರಿಂದಲೇ ಬ್ಲಾಕ್ ಮಾಡಲಿವೆ.