ತನ್ನ ಮಧುರವಾದ ಕಂಠಸಿರಿಯಿಂದ ಸೆನ್ಸೇಷನ್ ಆಗಿದ್ದ ಅಸ್ಸಾಂನ 17 ವರ್ಷದ ರಿಶಬ್ ದತ್ತಾ ಬೆಂಗಳೂರಿನಲ್ಲಿ ತನ್ನ ಕೊನೆಯುಸಿರೆಳೆದಿದ್ದಾನೆ. ಅಪ್ಲಾಸ್ಟಿಕ್ ಅನೇಮಿಯಾ ಎಂಬ ಅಪರೂಪದ ರಕ್ತದ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದ ಈ ಹಾಡುಗಾರನ ದೇಹದಲ್ಲಿ ಕಳೆದ ಎರಡು ವರ್ಷಗಳಿಂದ ಸಾಕಷ್ಟು ಸಂಖ್ಯೆಯಲ್ಲಿ ಹೊಸ ರಕ್ತ ಕಣಗಳ ಉತ್ಪಾದನೆ ಆಗುತ್ತಿರಲಿಲ್ಲ.
ಆಸ್ಪತ್ರೆಯಲ್ಲಿ ಹಾಸಿಗೆ ಹಿಡಿದಿದ್ದ ಸಂದರ್ಭದಲ್ಲಿ, ’ಚನ್ನಾ ಮರೆಯಾ’ ಚಿತ್ರದ ’ಏ ದಿಲ್ ಹೈ ಮುಷ್ಕಿಲ್’ ಹಾಡಿಗೆ ಗಿಟಾರ್‌ ಹಿಡಿದುಕೊಂಡೇ ದನಿ ನೀಡಿದ್ದ ರಿಶಬ್‌ನ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ.
ಮತ್ತೊಂದು ವಿಡಿಯೋದಲ್ಲಿ, ತಮ್ಮ ಇಚ್ಚೆಯ ಹಾಡನ್ನು ಹೇಳಲು ಖುದ್ದು ವೈದ್ಯರು ಹಾಗೂ ಸಿಬ್ಭಂದಿಯೇ ಆತನಲ್ಲಿ ಮನವಿ ಮಾಡಿಕೊಳ್ಳುತ್ತಿರುವುದನ್ನು ನೋಡಬಹುದಾಗಿದೆ. ಈ ವಿಡಿಯೋ ಈಗ ಫೇಸ್ಬುಕ್‌ನಲ್ಲಿ ವೈರಲ್ ಆಗಿದೆ. ಹದಿಹರೆಯದ ಗಾಯಕನ ಈ ಅಕಾಲಿಕ ಅಗಲಿಕೆಗೆ ನೆಟ್ಟಿಗ ಸಮುದಾಯ ಕಂಬನಿ ಮಿಡಿದಿದೆ.
Loading ...