ಭಾರೀ ಗಾತ್ರದ ಹೆಬ್ಬಾವೊಂದು ನವಿಲನ್ನು ಅನಾಮತ್ತಾಗಿ ನುಂಗಿ ಜನರಲ್ಲಿ ಭೀತಿ ಹುಟ್ಟಿಸಿದ ಘಟನೆಯೊಂದು ನಡೆದಿದೆ.
ಹರಿಯಾಣದ ಯಮುನಾ ನಗರ ಜಿಲ್ಲೆಯ ಕಾಡಿನಂಚಿನಲ್ಲಿ ಜಾಂಡಾ ಗ್ರಾಮದಲ್ಲಿ ಹಾವು ನವಿಲನ್ನು ನುಂಗಿರುವುದನ್ನು ನೋಡಿ ಗ್ರಾಮದ ಜನತೆ ಭಯಗೊಂಡಿದ್ದಾರೆ.
ನವಿಲನ್ನು ಹಿಡಿಯುವ ಹೆಬ್ಬಾವು ಅದನ್ನು ಕಾಡಿನೊಳಗೆ ಎಳೆದುಕೊಂಡು ಹೋಗುವುದನ್ನು ನೋಡುತ್ತಿದ್ದಂತೆ ಗ್ರಾಮಸ್ಥರು ಅರಣ್ಯ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಸುದ್ದಿಮುಟ್ಟಿಸಿದ್ದಾರೆ. ನವಿಲನ್ನು ರಕ್ಷಿಸಲು ನಡೆಸಿದ ಪ್ರಯತ್ನ ಕೈಗೂಡಿಲ್ಲ.
ಅರಣ್ಯ ಇಲಾಖೆ ಅಧಿಕಾರಿಗಳ ಪ್ರಕಾರ ಈ ಹಾವು 15 ಅಡಿ ಉದ್ದ ಇರಬಹುದೆಂದು ಅಂದಾಜಿಸಿದ್ದಾರೆ.