ಮದ್ಯ ಪ್ರಿಯರಿಗೆ ಶಾಕ್…! ಗಲಾಟೆ ನಂತ್ರ ಮದ್ಯದಂಗಡಿ ಬಂದ್

ರಾಷ್ಟ್ರ ರಾಜಧಾನಿಯಲ್ಲಿ ಮದ್ಯಪ್ರಿಯರಿಗೆ ಸರ್ಕಾರ ಶಾಕಿಂಗ್ ನ್ಯೂಸ್ ನೀಡಿದೆ. ಮದ್ಯ ಮಾರಾಟವನ್ನು ಮತ್ತೆ ಬಂದ್ ಮಾಡಿದೆ. ಬೆಳಿಗ್ಗೆ 9 ಗಂಟೆಯಿಂದ ಸಂಜೆ 6ರವರೆಗೆ ಮದ್ಯ ಮಾರಾಟಕ್ಕೆ ಅನುಮತಿ ನೀಡಲಾಗಿತ್ತು. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಸೂಚನೆ ನೀಡಲಾಗಿತ್ತು.

ದೆಹಲಿಯಲ್ಲಿ ಸಾಮಾಜಿಕ ಅಂತರವನ್ನು ನಿರ್ಲಕ್ಷ್ಯಿಸಲಾಗಿದೆ. ಜನರ ನಿಯಂತ್ರಣಕ್ಕೆ ಪೊಲೀಸರು ಲಾಠಿ ಪ್ರಹಾರ ಮಾಡಿದ್ದಾರೆ. ಈ ಎಲ್ಲ ಗಲಾಟೆ ನಂತ್ರ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದೆ. ದೆಹಲಿಯಲ್ಲಿ ಮದ್ಯ ಮಾರಾಟವನ್ನು ಬಂದ್ ಮಾಡಿದೆ.

ಗೀತಾ ಕಾಲೋನಿ, ಕಾಶ್ಮೀರಿ ಗೇಟ್, ಪ್ರೀತ್ ವಿಹಾರ್ ಮತ್ತು ಚಂದ್ರನಗರದಲ್ಲಿ ನಡೆದ ಗಲಾಟೆ ನಂತರ ಮದ್ಯದಂಗಡಿಗಳನ್ನು ಮುಚ್ಚಲಾಗಿದೆ. ಮದ್ಯ ಖರೀದಿಸಲು ಬಂದಿದ್ದ ಜನರು ಖಾಲಿ ಕೈನಲ್ಲಿ ಹಿಂತಿರುಗಿದ್ದಾರೆ.