ದಂಪತಿ ಜಗಳದ ವೇಳೆ ಆಘಾತಕಾರಿ ಕೃತ್ಯ: ಪತ್ನಿಯ ಬೆರಳನ್ನೇ ಕಚ್ಚಿ ತಿಂದ ಪತಿ

ಬೆಂಗಳೂರು: ಬೆಂಗಳೂರಿನಲ್ಲಿ ಗಲಾಟೆ ವೇಳೆಯಲ್ಲಿ ಪತ್ನಿಯ ಬೆರಳನ್ನು ಪತಿ ಕಚ್ಚಿ ತಿಂದಿದ್ದಾನೆ. ಕೋಣನಕುಂಟೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಪತ್ನಿ ಪುಷ್ಪಾ ಎಡಗೈ ಬೆರಳನ್ನೇ ಪತಿ ವಿಜಯಕುಮಾರ್ ಕಚ್ಚಿ ತಿಂದಿದ್ದಾನೆ. 23 ವರ್ಷಗಳ ಹಿಂದೆ ದಂಪತಿ ಮದುವೆಯಾಗಿದ್ದು, ಮದುವೆಯಾದ ಕೆಲ ವರ್ಷಗಳಿಂದ ಪತ್ನಿಗೆ ವಿಜಯಕುಮಾರ್ ಕಿರುಕುಳ ನೀಡುತ್ತಿದ್ದ. ಹೀಗಾಗಿ ಪುಷ್ಪಾ ಮಗನ ಜೊತೆ ಬೇರೆ ಮನೆ ಮಾಡಿ ವಾಸವಾಗಿದ್ದರು.

ಜುಲೈ 28ರಂದು ಪುಷ್ಪಾ ವಾಸವಾಗಿರುವ ಮನೆಗೆ ಹೋಗಿದ್ದ ವಿಜಯಕುಮಾರ್ ಜಗಳವಾಡಿದ್ದಾನೆ. ಗಲಾಟೆ ವೇಳೆಯಲ್ಲಿ ಪತ್ನಿ ಪುಷ್ಪಾಳ ಎಡಗೈ ಬೆರಳನ್ನೇ ಪತಿ ವಿಜಯಕುಮಾರ್ ಕಚ್ಚಿ ತಿಂದಿದ್ದಾನೆ. ರೌಡಿಶೀಟರ್ ಗಳನ್ನು ಬಿಟ್ಟು ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ. ಆರೋಪಿ ವಿಜಯಕುಮಾರನನ್ನು ಕೋಣನಕುಂಟೆ ಠಾಣೆ ಪೊಲೀಸರು ಬಂಧಿಸಿದ್ದಾರೆ. ಈ ಬಗ್ಗೆ ಕೋಣನಕುಂಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.