ಕೊರೊನಾ ಸಂಕಷ್ಟದ ಈ ಸಂದರ್ಭದಲ್ಲಿ ದೇಶದಲ್ಲಿ ವೆಂಟಿಲೇಟರ್ಗಳ ಅಭಾವ ಉಂಟಾಗುತ್ತಿರೋದನ್ನ ಗಮನಿಸಿದ ಕಾಶ್ಮೀರ ವಿಶ್ವವಿದ್ಯಾಲಯದ ಇಬ್ಬರು ವಿದ್ಯಾರ್ಥಿಗಳು ಗುಜರಿ ಸಾಮಗ್ರಿಗಳನ್ನ ಬಳಸಿ ಪೋರ್ಟಬಲ್ ವೆಂಟಿಲೇಟರ್ನ್ನು ಕಂಡು ಹಿಡಿದಿದ್ದಾರೆ.
ಇದೊಂದು ಕ್ಲೌಡ್ ಬೇಸಡ್ ಸಿಸ್ಟಂ ಆಗಿದ್ದು ವೈದ್ಯರು ತಮ್ಮ ಮೊಬೈಲ್ ಸಹಾಯದಿಂದ ಇದನ್ನ ನಿಯಂತ್ರಿಸಬಹುದಾಗಿದೆ.
20 ವಯಸ್ಸಿನ ಆಸುಪಾಸಿನ ಈ ವಿದ್ಯಾರ್ಥಿಗಳು ದೇಶದಲ್ಲಿ ಕೋವಿಡ್ ಸಂಕಷ್ಟಕ್ಕೆ ನೆರವಾಗಲಿ ಎಂಬ ಕಾರಣಕ್ಕೆ ಗ್ರಾಹಕ ಸ್ನೇಹಿ ವೆಂಟಿಲೇಟರ್ನ್ನು ಅಭಿವೃದ್ಧಿ ಪಡಿಸಿದ್ದಾರೆ.
ದಿನಗೂಲಿ ಕಾರ್ಮಿಕನ ಪುತ್ರನಾದ ಸಾಜೀದ್ ನೂರ್ ಗೆ ಮನೆಯಲ್ಲಿ ಸಂಕಷ್ಟ ಸಾವಿರ ಇದ್ದರೂ ಸಹ ಲಾಕ್ಡೌನ್ ಸಮಯದಲ್ಲಿ ದೇಶಕ್ಕೆ ಅನುಕೂಲವಾಗುವಂತದ್ದು ಏನಾದರೊಂದು ಮಾಡಬೇಕು ಎಂಬ ಹೆಬ್ಬಯಕೆ ಇತ್ತು.
ಹೀಗಾಗಿ ಗೆಳೆಯ ಜಹಾಂಗೀರ್ ಜೊತೆ ಸೇರಿದ ಸಾಜಿದ್ ಗುಜರಿ ಸಾಮಗ್ರಿಗಳನ್ನೇ ಬಳಸಿ ಕಠಿಣ ಪರಿಶ್ರಮ ಪಟ್ಟು ವೆಂಟಿಲೇಟರ್ ತಯಾರಿಸೋಕೆ ಮುಂದಾಗಿದ್ದಾರೆ.
ತಿಂಗಳಾನುಟ್ಟಲೇ ಪ್ರಯತ್ನದ ಬಳಿಕ ಈ ಎಲೆಕ್ಟ್ರಾನಿಕ್ಸ್ ವಿಭಾಗದ ವಿದ್ಯಾರ್ಥಿಗಳು ವೆಂಟಿಲೇಟರ್ ಅಭಿವೃದ್ಧಿ ಪಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ವೆಂಟಿಲೇಟರ್ನ ಬೆಲೆ 20 ಸಾವಿರಕ್ಕಿಂತಲೂ ಕಡಿಮೆ ಎಂದು ವಿದ್ಯಾರ್ಥಿಗಳು ಹೇಳಿದ್ದಾರೆ.
Loading ...