ಸಲೂಲ್ ಶಾಪ್ ನಲ್ಲಿ ಶಾರ್ಟ್ ಸರ್ಕ್ಯೂಟ್ ನಿಂದಾಗಿ ಹೇರ್ ಡ್ರೈಯರ್ ಸ್ಫೋಟಿಸಿ ಗ್ರಾಹಕ, ಕ್ಷೌರಿಕನಿಗೆ ಬೆಂಕಿ ತಗುಲಿದೆ.
ಶಾರ್ಟ್ ಸರ್ಕ್ಯೂಟ್ ಆಘಾತದ ನಂತರ ಸಲೂನ್ ನಲ್ಲಿ ಬೆಂಕಿ ಕಾಣಿಸಿಕೊಂಡು ಗ್ರಾಹಕ, ಕ್ಷೌರಿಕ ಕಿರುಚಾಡುವ ಆಘಾತಕಾರಿ ವಿಡಿಯೋ ಇಂಟರ್ನೆಟ್‌ ನಲ್ಲಿ ಹರಿದಾಡುತ್ತಿದೆ.
ವೈರಲ್ ವೀಡಿಯೊವನ್ನು ಟ್ವಿಟರ್ ಬಳಕೆದಾರರು ಹಂಚಿಕೊಂಡಿದ್ದಾರೆ. ಗ್ರಾಹಕರ ಕೂದಲನ್ನು ಹೊಂದಿಸಲು ಬ್ಲೋ ಡ್ರೈಯರ್‌ನಲ್ಲಿ ಕೇಶ ವಿನ್ಯಾಸಕ ಪ್ಲಗ್ ಮಾಡುವುದನ್ನು ಇದು ತೋರಿಸುತ್ತದೆ. ಅವನು ಡ್ರೈಯರ್ ಅನ್ನು ಆನ್ ಮಾಡಿದ ಕ್ಷಣವೇ ಶಾರ್ಟ್ ಸರ್ಕ್ಯೂಟ್‌ನಿಂದ ಸಲೂನ್‌ನೊಳಗೆ ಭಾರಿ ಸ್ಫೋಟವಾಗುತ್ತದೆ. ಕ್ಷೌರಿಕನ ಕೈಯಲ್ಲಿದ್ದ ಹೇರ್ ಡ್ರೈರ್ ಸ್ಪೋಟಿಸಿ ಕ್ಷೌರಿಕ ಮತ್ತು ಗ್ರಾಹಕ ಇಬ್ಬರಿಗೂ ಬೆಂಕಿ ತಗುಲಿದೆ,
ಬಾಂಗ್ಲಾದೇಶದ ಕಚ್‌ ಪುರದ ನಾರಾಯಣಗಂಜ್ ಪ್ರದೇಶದ ಸಲೂನ್‌ನಲ್ಲಿ ಜುಲೈನಲ್ಲಿ ಈ ಘಟನೆ ನಡೆದಿದ್ದು, ವಿಡಿಯೋದಲ್ಲಿರುವ ಇಬ್ಬರಲ್ಲಿ ಒಬ್ಬರು ತೀವ್ರವಾಗಿ ಗಾಯಗೊಂಡಿದ್ದಾರೆ.
ಏರ್ ಕಂಡಿಷನರ್‌ ನಿಂದ ಅನಿಲ ಸೋರಿಕೆಯಾಗಿ ಬೆಂಕಿ ಕಾಣಿಸಿಕೊಂಡಿದೆ ಎಂದು ವರದಿಗಳು ತಿಳಿಸಿವೆ. ವಿಡಿಯೋ ವೈರಲ್ ಆದ ಕೂಡಲೇ ಟ್ವಿಟರ್ ಬಳಕೆದಾರರು ಇದಕ್ಕೆ ಪ್ರತಿಕ್ರಿಯಿಸಿದ್ದಾರೆ. ಜೀವನವು ತುಂಬಾ ಅನಿಶ್ಚಿತವಾಗಿದೆ ಎಂದು ಒಬ್ಬ ಬಳಕೆದಾರರು ಬರೆದಿದ್ದಾರೆ. ಇನ್ನೊಬ್ಬ ಬಳಕೆದಾರರು ಎಚ್ಚರಿಕೆ ಅಗತ್ಯ ಎಂದು ಬರೆದಿದ್ದಾರೆ.
ಕಾಂಪ್ಲೆಕ್ಸ್, ಸಲೂನ್ ಅಥವಾ ಯಾವುದೇ ಕಚೇರಿ ಕಟ್ಟಡದ ಒಳಗೆ ಶಾರ್ಟ್ ಸರ್ಕ್ಯೂಟ್ ಅಥವಾ ಕಳಪೆ ವೈರಿಂಗ್ ನಿಂದ ಹಲವಾರು ಮಂದಿ ಜೀವ ಕಳೆದುಕೊಂಡಿದ್ದಾರೆ. ಇತ್ತೀಚೆಗಷ್ಟೇ ಹಿಮಾಚಲ ಪ್ರದೇಶದ ಶಿಮ್ಲಾದಲ್ಲಿ ಶಾರ್ಟ್ ಸರ್ಕ್ಯೂಟ್ ಅವಘಡ ಸಂಭವಿಸಿದ್ದು, 35 ವರ್ಷದ ಮಹಿಳೆಯೊಬ್ಬರು ಅಂಗಡಿಗೆ ಬೆಂಕಿ ತಗುಲಿ ಸಾವನ್ನಪ್ಪಿದ್ದರು.
ಭೇಸನಿ ಇಸ್ಲಾಂಪುರ ಗ್ರಾಮದಲ್ಲಿ ಮಹಿಳೆ ಅಂಗಡಿಯಲ್ಲಿ ಮಲಗಿದ್ದಾಗ ಬೆಂಕಿ ಹೊತ್ತಿಕೊಂಡಿದ್ದು,. ಅಂಗಡಿಯಲ್ಲಿ ಶಾರ್ಟ್ ಸರ್ಕ್ಯೂಟ್ ನಿಂದ ಬೆಂಕಿ ಹೊತ್ತಿಕೊಂಡಿದೆ ಎಂದು ಮಹಿಳೆಯ ಪತಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ವಿಯೆಟ್ನಾಂನ ಬಾರ್‌ನಲ್ಲಿ ಮತ್ತೊಂದು ಘಟನೆ ನಡೆದಿದ್ದು, ಶಾರ್ಟ್ ಸರ್ಕ್ಯೂಟ್‌ನಿಂದ ಭಾರಿ ಬೆಂಕಿ ಕಾಣಿಸಿಕೊಂಡು 32 ಜನರು ಸಾವನ್ನಪ್ಪಿದ್ದಾರೆ.
Loading ...