BREAKING: ವಾಹನ ಪರವಾನಿಗೆ ಅವಧಿ ನವೀಕರಣ ಕುರಿತಂತೆ ಕೇಂದ್ರ ಸಾರಿಗೆ ಸಚಿವಾಲಯದಿಂದ ಮಹತ್ವದ ಮಾಹಿತಿ

ವಾಹನ ಪರವಾನಿಗೆ ನವೀಕರಣ ಅವಧಿಯನ್ನು ಅಕ್ಟೋಬರ್​ 31ರ ನಂತರ ಯಾವುದೇ ಕಾರಣಕ್ಕೂ ವಿಸ್ತರಣೆ ಮಾಡುವುದಿಲ್ಲ ಎಂದು ಕೇಂದ್ರ ರಸ್ತೆ ಸಾರಿಗೆ ಸಚಿವಾಲಯ ಮಾಹಿತಿ ನೀಡಿದೆ.

ಸೆಪ್ಟೆಂಬರ್​ 30ರಂದು ಕೇಂದ್ರ ಸಚಿವಾಲಯವು ವಾಹನ ಪರವಾನಿಗೆ, ನೋಂದಣಿ ಪ್ರಮಾಣ ಪತ್ರ ಸೇರಿದಂತೆ ವಾಹನ ಸಂಬಂಧಿ ವಿವಿಧ ದಾಖಲೆಗಳನ್ನು ಸಲ್ಲಿಸಲು ಅಕ್ಟೋಬರ್​ 31ರವರೆಗೆ ಅವಧಿ ವಿಸ್ತರಣೆ ಮಾಡಿತ್ತು.

ಕೊರೊನಾ ಸಾಂಕ್ರಾಮಿಕವನ್ನು ಗಮನದಲ್ಲಿರಿಸಿ ಕೇಂದ್ರ ಸರ್ಕಾರವು ಕಳೆದ ಒಂದೂವರೆ ವರ್ಷಗಳಿಂದಲೂ ವಾಹನ ಸಂಬಂಧ ದಾಖಲೆಗಳನ್ನು ಸಲ್ಲಿಸುವ ಅವಧಿ ವಿಸ್ತರಣೆ ಮಾಡುತ್ತಲೇ ಬಂದಿದೆ.

ಕೋವಿಡ್​ 19 ಪರಿಸ್ಥಿತಿಯು ದೇಶದಲ್ಲಿ ಮುಂದುವರಿದಿರುವ ಹಿನ್ನೆಲೆಯಲ್ಲಿ ವಾಹನ ಪರವಾನಿಗೆ ನವೀಕರಣ ಅವಧಿಯನ್ನು ಅಕ್ಟೋಬರ್​ 31ರವರೆಗೆ ವಿಸ್ತರಣೆ ಮಾಡಿದೆ.

2020ರ ಫೆಬ್ರವರಿ 1ರಿಂದ ವಾಹನ ಸಂಬಂಧಿ ದಾಖಲೆಗಳ ಅವಧಿ ಮೀರಿದವರು 2021 ರ ಅಕ್ಟೋಬರ್​ 31ರವರೆಗೆ ದಾಖಲೆ ನವೀಕರಣಕ್ಕೆ ವಿನಾಯಿತಿ ಪಡೆದಿದ್ದಾರೆ ಎಂದು ಕೇಂದ್ರ ಸಚಿವಾಲಯವು ಸೆಪ್ಟೆಂಬರ್​ 30ರಂದು ಹೇಳಿಕೆ ನೀಡಿತ್ತು.