ರಾತ್ರಿ ಮಲಗಿ ಬೆಳಗೆದ್ದಾಗ ಮುಖ ಚರ್ಯೆ ಬದಲಾಗಿರುತ್ತದೆ ಏಕೆ ಎಂಬುದು ನಿಮಗೆ ತಿಳಿದಿದೆಯಾ…..? ಇಲ್ಲಿದೆ ಕಾರಣ

ರಾತ್ರಿಯ ದೀರ್ಘ ನಿದ್ರೆಯ ನಂತರ ನೀವು ಬೆಳಿಗ್ಗೆ ಎದ್ದೇಳುತ್ತೀರಿ. ಎದ್ದಾಕ್ಷಣ ಕನ್ನಡಿಯಲ್ಲಿ ನಿಮ್ಮ ಮುಖ ನೋಡಿಕೊಂಡ್ರೆ ವಿಭಿನ್ನವಾಗಿ ಗೋಚರಿಸುತ್ತದೆ ಅಲ್ವಾ..?

ರಾತ್ರಿಯ ವಿಶ್ರಾಂತಿಯ ಹೊರತಾಗಿಯೂ ನಿಮ್ಮ ಮುಖ ಮತ್ತು ಕಣ್ಣುಗಳು ಕೆಲವೊಮ್ಮೆ ನಿಮ್ಮ ಚರ್ಮದ ಮೇಲೆ ಸುಕ್ಕುಗಳೊಂದಿಗೆ ಏಕೆ ಉಬ್ಬುತ್ತವೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಇದಕ್ಕೆ ಕಾರಣವೇನು ಅಂತಾ ಎಂದಾದ್ರೂ ಕಂಡುಹುಡುಕೋಕೆ ಪ್ರಯತ್ನಿಸಿದ್ದೀರಾ..? ಇಲ್ಲ ಅಂತಾದ್ರೆ ನಾವು ಈ ಬಗ್ಗೆ ಮಾಹಿತಿ ತಿಳಿಸುತ್ತೇವೆ, ಮುಂದೆ ಓದಿ…..

ದೀರ್ಘ ರಾತ್ರಿಯ ನಿದ್ರೆಯ ನಂತರ ನಮ್ಮ ನೋಟದಲ್ಲಿ ಬದಲಾವಣೆಗಳಿಗೆ ಕಾರಣವಾಗುವ ಹಲವಾರು ವೈಜ್ಞಾನಿಕ ಕಾರಣಗಳಿದ್ದರೂ, ಆಹಾರ ಪದ್ಧತಿ, ಜೀವನಶೈಲಿ, ನಿರ್ಜಲೀಕರಣ, ನಿದ್ರೆಯ ಭಂಗಿ ಮತ್ತು ನಿದ್ರೆಯ ಸ್ಥಾನಕ್ಕೆ ಕಾರಣವೆಂದು ಹೇಳಲಾಗುತ್ತದೆ. ಪಫಿನೆಸ್ ಅಂಶವು ಮುಖದ ಅಂಗಾಂಶದ ಉರಿಯೂತವಾಗಿದೆ. ಪಫಿ ಮುಖವು ನಿಮ್ಮ ಮುಖದಲ್ಲಿನ ದ್ರವದ ಶೇಖರಣೆಯ ಪರಿಣಾಮವಾಗಿದೆ. ಇದು ನೇರವಾಗಿ ನಿಮ್ಮ ಅಂಗಾಂಶಗಳಲ್ಲಿ ಸಂಭವಿಸುತ್ತದೆ.

ವರದಿಯ ಪ್ರಕಾರ, ನೀವು ಮಲಗಿದಾಗ ಹಗಲಿನಲ್ಲಿ ಸಾಮಾನ್ಯಕ್ಕಿಂತ ಹೆಚ್ಚು ದ್ರವವು ನಿಮ್ಮ ತಲೆಯಲ್ಲಿ ಮತ್ತು ಸುತ್ತಲೂ ಸಂಗ್ರಹಗೊಳ್ಳುತ್ತದೆ. ಮತ್ತು ನಿದ್ರೆಯ ಅವಧಿಗೆ ಅನುಗುಣವಾಗಿ ಶೇಖರಣೆಯು ಭಿನ್ನವಾಗಿರುತ್ತದೆ.

ಮುಖದಲ್ಲಿನ ಪಫಿನೆಸ್ ಸಾಮಾನ್ಯವಾಗಿ ದ್ರವದ ಕಾರಣದಿಂದ ಉಂಟಾಗುತ್ತದೆ. ಇದು ಹಲವಾರು ಅಂಶಗಳಿಂದ ಉಂಟಾಗಬಹುದು. ಚಿಕಿತ್ಸೆಗಳು ಮತ್ತು ಮನೆಯ ಆರೈಕೆ ತಂತ್ರಗಳಿಂದ ಪರಿಹರಿಸುವ ಮೂಲಕ ಈ ಸಮಸ್ಯೆಯನ್ನು ಸರಾಗಗೊಳಿಸಬಹುದು ಮತ್ತು ತಡೆಯಬಹುದು ಎಂದು ವರದಿಯಲ್ಲಿ ಹೇಳಲಾಗಿದೆ.

ಪಫಿನೆಸ್, ವ್ಯಕ್ತಿಯ ಮಲಗುವ ಭಂಗಿಗೆ ನೇರವಾಗಿ ಸಂಬಂಧಿಸಿದೆ ಎಂದು ತಜ್ಞರು ಹೇಳಿದ್ದಾರೆ. ಇದರರ್ಥ ಮುಖವನ್ನು ಕೆಳಗೆ ಹಾಕಿ ಮಲಗುವವರು ತಮ್ಮ ಮುಖವನ್ನು ಮೇಲಕ್ಕೆ ಮಾಡಿ ಮಲಗುವವರಿಗಿಂತ ಹೆಚ್ಚಿನ ಉಬ್ಬುವ ಮುಖವನ್ನು ಹೊಂದಿರುತ್ತಾರೆ. ಹೀಗಾಗಿ, ನಿಮ್ಮ ಮುಖವನ್ನು ಕೆಳಗೆ ಇರಿಸಿ ಮಲಗುವುದು ಮರುದಿನ ನಿಮ್ಮ ನೋಟದ ಮೇಲೆ ಹಾನಿಕಾರಕ ಪರಿಣಾಮವನ್ನು ಬೀರುತ್ತದೆ.

ಇನ್ನು ಮೆಡಿಕಲ್ ನ್ಯೂಸ್ ಟುಡೇ ವರದಿಯ ಪ್ರಕಾರ, ಉಬ್ಬುವ ಮುಖಕ್ಕೆ ಕಾರಣವಾಗುವ ಹಲವಾರು ಅಂಶಗಳಿವೆ ಎಂದು ಹೇಳಿದೆ. ಅವುಗಳಲ್ಲಿ ಕೆಲವು, ಆಹಾರ, ಮೇಕ್ಅಪ್, ಆಲ್ಕೋಹಾಲ್, ಸೈನಸ್ ಸೋಂಕು, ಒತ್ತಡ, ಅಲರ್ಜಿಗಳು, ಹೈಪೋಥೈರಾಯ್ಡಿಸಮ್ ಮತ್ತು ಕುಶಿಂಗ್ ಸಿಂಡ್ರೋಮ್ ನಿಂದ ಈ ರೀತಿಯಾಗುತ್ತದೆ ಎಂದು ತಿಳಿಸಲಾಗಿದೆ.