SHOCKING: ಚಟ್ನಿ ಜಾಸ್ತಿ ಕೇಳಿದ ಗ್ರಾಹಕನಿಗೆ ಚಾಕು ಇರಿತ

ದೆಹಲಿ: ದೆಹಲಿಯಲ್ಲಿ ಮೊಮೊಸ್‌ ಗೆ ಚಟ್ನಿ ಜಾಸ್ತಿ ಕೇಳಿದ್ದಕ್ಕೆ ವ್ಯಕ್ತಿಯೊಬ್ಬರ ಮೇಲೆ ಹಲ್ಲೆ ನಡೆಸಿದ್ದು, ಗಂಭೀರವಾಗಿ ಗಾಯಗೊಂಡಿದ್ದಾರೆ.

ದೆಹಲಿಯ ಭಿಕಾಮ್ ಸಿಂಗ್ ಕಾಲೋನಿ ಪ್ರದೇಶದಲ್ಲಿ ಮೊಮೊಸ್ ತಿನ್ನುತ್ತಿದ್ದಾಗ ಹೆಚ್ಚು ಚಟ್ನಿ ಕೇಳಿದ್ದಕ್ಕೆ ಗ್ರಾಹಕನ ಮೇಲೆ ಚಾಕುವಿನಿಂದ ಹಲ್ಲೆ ನಡೆಸಲಾಗಿದೆ. ದಾಳಿಯ ನಂತರ ಸಂತ್ರಸ್ತನಿಗೆ ಗಂಭೀರ ಗಾಯಗಳಾಗಿವೆ.

ಫರ್ಶ್ ಬಜಾರ್ ಪ್ರದೇಶದ ಭಿಕಾಮ್ ಸಿಂಗ್ ಕಾಲೋನಿಯಲ್ಲಿ ಘಟನೆ ಬೆಳಕಿಗೆ ಬಂದಿದೆ. ಈ ಪ್ರದೇಶದಲ್ಲಿ ಜನಸಂದಣಿ ಹೆಚ್ಚಾಗಿದ್ದು, ಜನರ ಸಮ್ಮುಖದಲ್ಲೇ ಈ ಘಟನೆ ನಡೆದಿದೆ. ಗ್ರಾಹಕ ಮೊಮೊಸ್ ತಿನ್ನಲು ಹೆಚ್ಚಿನ ಚಟ್ನಿ ಕೇಳಿದ ನಂತರ ಮೊಮೊಸ್ ಕಾರ್ನರ್ ಮಾಲೀಕ ಮತ್ತು ಗ್ರಾಹಕನ ನಡುವೆ ವಾಗ್ವಾದ ಸಂಭವಿಸಿದೆ. ಮಾತಿನ ಚಕಮಕಿ ವಿಕೋಪಕ್ಕೆ ಹೋಗಿ ಅಂಗಡಿ ಮಾಲೀಕ ಚಾಕುವಿನಿಂದ ಗ್ರಾಹಕನ ಮೇಲೆ ಹಲ್ಲೆ ನಡೆಸಿದ್ದಾರೆ.

ಗ್ರಾಹಕನಿಗೆ ಗಂಭೀರ ಗಾಯಗಳಾಗಿದ್ದು, ಜಿಟಿವಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗಾಯಾಳು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪೊಲೀಸರು ಸ್ಥಳಕ್ಕೆ ಆಗಮಿಸಿ ತನಿಖೆ ಆರಂಭಿಸಿದ್ದಾರೆ. ಪೊಲೀಸರು ಅಪರಾಧದ ಸ್ಥಳದ ಪಂಚನಾಮವನ್ನು ಮಾಡಿದ್ದಾರೆ.