ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ, ಮಂಗಳ ಗ್ರಹದ ಮೇಲಿನ ಅಧ್ಯಯನಕ್ಕಾಗಿ ಪರ್ಸಿವಿಯರೆನ್ಸ್ ರೋವರ್ನ್ನು ಕಳುಹಿಸಿಕೊಟ್ಟಿದ್ದು ಇದು ಫೆಬ್ರವರಿ 18ರಂದು ಮಂಗಳ ಗ್ರಹದ ಕುತೂಹಲಕಾರಿ ಫೋಟೋಗಳನ್ನ ಸೆರೆ ಹಿಡಿದು ನಾಸಾಗೆ ಕಳುಹಿಸಿದೆ.
ಪರ್ಸಿವಿಯರೆನ್ಸ್ ಕಳುಹಿಸಿದ ಫೋಟೋಗಳನ್ನ ನಾಸಾ ಶುಕ್ರವಾರ ಬಿಡುಗಡೆ ಮಾಡಿದೆ. ಮಂಗಳ ಗ್ರಹದ ಮೇಲ್ಮೈ ವಾತಾವರಣವನ್ನ ಸ್ಪಷ್ಟವಾಗಿ ತೋರಿಸುವ ಚಿತ್ರ ಇದಾಗಿದ್ದು ಈ ಕುತೂಹಲಕಾರಿ ಫೋಟೋಗಳನ್ನ ಕಂಡು ವಿಜ್ಞಾನಿಗಳೇ ಆಶ್ಚರ್ಯಚಕಿತರಾಗಿದ್ದಾರೆ.
ಇನ್ನು ನಾಸಾ ಮಂಗಳ ಗ್ರಹದ ಫೋಟೋಗಳನ್ನ ಬಿಡುಗಡೆ ಮಾಡಿದ ಬೆನ್ನಲ್ಲೇ ಪರ್ಸಿವಿರೆನ್ಸ್ ಕಳುಹಿಸಿಕೊಟ್ಟಿದೆ ಎನ್ನಲಾದ ಮಂಗಳ ಗ್ರಹದ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿತ್ತು. ಲೇಖಕ ಜೇಮ್ಸ್ ಹಾಲೆಂಡ್ ಸೇರಿದಂತೆ ಅನೇಕರು ಈ ವಿಡಿಯೋವನ್ನ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಮಂಗಳ ಗ್ರಹದಲ್ಲಿ ಕೇಳಿ ಬಂದ ಶಬ್ದ ಕೂಡ ರೆಕಾರ್ಡ್ ಆಗಿದೆ ಎಂದು ಹೇಳಲಾಗಿತ್ತು.
ಆದರೆ ಫ್ಯಾಕ್ಟ್ ಚೆಕ್ ವೇಳೆ ವಿಡಿಯೋದ ಅಸಲಿ ಚಿತ್ರಣ ಬಯಲಾಗಿದೆ. ಇದು ನಾಸಾದ ಕ್ಯುರೋಸಿಟಿ ಮಾರ್ಸ್ರೋವರ್ನ ವಿಡಿಯೋ ಆಗಿದ್ದು, ನಾಸಾ 2020ರ ಮಾರ್ಚ್ 4ರಂದು ತನ್ನ ಯುಟ್ಯುಬ್ ಪೇಜ್ನಲ್ಲಿ ಅಪ್ಲೋಡ್ ಮಾಡಿತ್ತು.
Loading ...