ಬ್ಲೌಸ್​ ಧರಿಸದಿದ್ದಕ್ಕಾಗಿ ಜ್ಯೋತಿಷಿ ನಿಧಿ ಚೌಧರಿ ಟ್ರೋಲ್​; ಖರೀದಿಗಾಗಿ ಹಣ ರವಾನಿಸಲು ರೆಡಿ ಎಂದು ಟ್ವೀಟ್

ಭಾನುವಾರ ‘ನಿಧಿ’ ಮತ್ತು ‘ಬ್ಲೌಸ್​’ ಎಂಬ ಹೆಸರನ್ನು ಉಲ್ಲೇಖಿಸುವ ಹಲವಾರು ಟ್ವೀಟ್​ಗಳು ಟ್ವಿಟರ್​ನಲ್ಲಿ ಟಾಪ್​ ಟ್ರೆಂಡಿಂಗ್​ ವಿಷಯಗಳಲ್ಲಿ ಒಂದಾಗಿತ್ತು.

ದೆಹಲಿ ಮೂಲದ ಯೂಟ್ಯೂಬರ್​ ಮತ್ತು ಜ್ಯೋತಿಷಿ ನಿಧಿ ಚೌಧರಿ ಅವರ ಬಟ್ಟೆಯ ವಿಚಾರದಲ್ಲಿ ಒಂದು ವರ್ಗ ಟ್ರೋಲ್​ ಮಾಡುವಲ್ಲಿ ನಿರತವಾಗಿತ್ತು.

ಸೀರೆಯುಟ್ಟಿದ್ದ ನಿಧಿ ಬ್ಲೌಸ್​ ಹಾಕಿರಲಿಲ್ಲ. ಇದು ಅನೇಕರಿಗೆ ಸಿಟ್ಟು ತರಿಸಿತ್ತು. ಟ್ವಿಟರ್​ನಲ್ಲಿ 14.1 ಕೆ ಫಾಲೋಯರ್​ಗಳನ್ನು ಹೊಂದಿರುವ ಜ್ಯೋತಿಷಿ, ವಕೀಲೆ, ಸೋಷಿಯಲ್​ ಮೀಡಿಯ ಇನ್​ಫ್ಲುಯೆನ್ಸರ್​ ಫ್ಯಾಷನ್ ಸ್ಟೈಲಿಸ್ಟ್ ಎಂದು ಕರೆಸಿಕೊಂಡಿದ್ದಾರೆ.

ಇತ್ತೀಚೆಗೆ, ಅವರು ವಿಡಿಯೊವನ್ನು ಅಪ್​ಲೋಡ್​ ಮಾಡಿದ್ದು, ಅದರಲ್ಲಿ ಮನೆ ಕೆಲಸದವರನ್ನು ರ್ದುಬಳಕೆ ಮಾಡಿಕೊಳ್ಳಬೇಡಿ ಮತ್ತು ಯಾವಾಗಲೂ ಆರ್ಥಿಕ ಹಿಂದುಳಿದವರಿಗೆ ಸಹಾಯ ಮಾಡುವಂತೆ ಸಲಹೆ ನೀಡಿದ್ದರು.

ಅವರು ನೀಲಿ ಸೀರೆ ಉಟ್ಟಿದ್ದು, ಬೆಳ್ಳಿ ಆಭರಣ, ರುದ್ರಾಕ್ಷಿ ಮತ್ತು ಕಪ್ಪು ಬಿಂದಿಯನ್ನು ಇಟ್ಟಿದ್ದರು. ಬ್ಲೌಸ್​ ಧರಿಸಿಲ್ಲ ಎಂದು ಟ್ರೋಲ್​ ಮಾಡಿದವರು ಬ್ಲೌಸ್​ ಖರೀದಿಸಲು ಹಣವನ್ನು ಕಳುಹಿಸಲು ಸಹ ಮುಂದಾದರು.

ನೀವು ಈಗ ಬ್ಲೌಸ್​ ಖರೀದಿಸಲು ಸಾಧ್ಯವಾಗದ ಬಡ ಮಹಿಳೆ. ನಿಮ್ಮ ಬ್ಯಾಂಕ್​ ಖಾತೆಯ ವಿವರಗಳನ್ನು ನನಗೆ ನೀಡಿ, ಬ್ಲೌಸ್​ ಖರೀದಿಸಲು ಸ್ವಲ್ಪ ಹಣವನ್ನು ವರ್ಗಾಯಿಸುತ್ತೇನೆ ಎಂದು ಕಾಲೆಳೆದಿದ್ದಾರೆ. ಕೆಲವರು ಈಕೆಗೆ 500 ರೂ. ನೀಡಿ ಎಂದು ಗೇಲಿ ಮಾಡಿದ್ದಾರೆ. ಇನ್ನು ಕೆಲವರು ನಿಧಿ ಅವರನ್ನು ಸಮರ್ಥಿಸಿದ್ದು, ಅದೂ ಕೂಡಾ ಒಂದು ಸ್ಟೈಲ್.‌ ಅದರಲ್ಲಿ ತಪ್ಪೇನಿದೆ ಎಂದು ಪ್ರಶ್ನಿಸಿದ್ದಾರೆ.