ಸೀಜ್​ ಆದ ಕಾರು ಕೊಳ್ಳಲು ಹೋದ ವ್ಯಕ್ತಿಗೆ 80 ಸಾವಿರ ರೂ. ಪಂಗನಾಮ..!

ಪೊಲೀಸರ ಬಳಿ ಸೀಜ್​ ಆದ ಕಾರನ್ನು ಖರೀದಿ ಮಾಡಲು ಹೋಗಿ ಬೆಂಗಳೂರಿನ ವ್ಯಕ್ತಿಯೊಬ್ಬ 80 ಸಾವಿರ ರೂಪಾಯಿ ಪಂಗನಾಮ ಹಾಕಿಸಿಕೊಂಡಿದ್ದಾರೆ.

ಈ ರೀತಿ ಮೋಸ ಹೋದ ವ್ಯಕ್ತಿಯನ್ನು ನಾಗರಾಜು ವೈ ಎಂದು ಗುರುತಿಸಲಾಗಿದೆ. ಇವರು ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು.

BIG NEWS: ರೇವ್ ಪಾರ್ಟಿ ಮೇಲೆ ರೇಡ್, ಸೂಪರ್ ಸ್ಟಾರ್ ಪುತ್ರ ಅರೆಸ್ಟ್ –ಡ್ರಗ್ಸ್ ವಶಕ್ಕೆ

ಕೆಲ ತಿಂಗಳ ಹಿಂದೆ ಕೆಲಸಕ್ಕೆ ತೆರಳುತ್ತಿದ್ದ ವೇಳೆ ಪೆಟ್ರೋಲ್​ ಬಂಕ್​ನ ಸಮೀಪ ಅಪರಿಚಿತ ವ್ಯಕ್ತಿಯನ್ನು ಭೇಟಿಯಾಗಿದ್ದರು. ಆ ವ್ಯಕ್ತಿಯು ತನ್ನನ್ನು ತಾನು ಪೊಲೀಸ್​ ಎಂದು ಪರಿಚಯಿಸಿಕೊಂಡು ನಾಗರಾಜು ಬಳಿ ವಾಹನದ ದಾಖಲೆಯನ್ನು ಕೇಳಿದ್ದಾರೆ.

ನಕಲಿ ಪೊಲೀಸ್​ ಅಧಿಕಾರಿಯು ತನ್ನನ್ನು ತಾನು ಹರೀಶ್​ ಎಂದು ಪರಿಚಯ ಮಾಡಿಕೊಂಡಿದ್ದ. ಇಬ್ಬರೂ ಫೋನ್​ ನಂಬರ್​ ಎಕ್ಸ್​ಚೇಂಜ್​ ಮಾಡಿಕೊಂಡಿದ್ದರು.

ಸಂತೋಷದ ಜೀವನ ನಡೆಸಬೇಕೆಂದ್ರೆ ಈ ಕೆಲಸ ಮಾಡುವ ಮೊದಲು 100 ಬಾರಿ ಯೋಚಿಸಿ…..!

ಹರೀಶ್​​ನ ಕೆಟ್ಟ ಉದ್ದೇಶದ ಬಗ್ಗೆ ಕಿಂಚಿತ್ತೂ ಜ್ಞಾನವಿಲ್ಲದ ನಾಗರಾಜು ಈ ವ್ಯಕ್ತಿಯನ್ನು ಹರಳೂರಿನಲ್ಲಿ ಭೇಟಿಯಾಗಿದ್ದರು. ಅಲ್ಲದೇ ತನಗೆ ಸೆಕೆಂಡ್ ಹ್ಯಾಂಡ್​ ಕಾರು ಖರೀದಿ ಮಾಡುವ ಆಸೆಯಿದೆ ಎಂದೂ ಹೇಳಿಕೊಂಡಿದ್ದರು. ಮೊದಲೇ ಪೊಲೀಸ್​​ ಎಂದು ಗುರುತಿಸಿಕೊಂಡಿದ್ದ ಹರೀಶ್​​ 80 ಸಾವಿರ ರೂಪಾಯಿಗೆ ಸೀಜ್​ ಮಾಡಿರುವ ಕಾರನ್ನು ಖರೀದಿಸಿಕೊಡುವುದಾಗಿ ಹೇಳಿದ್ದಾರೆ.

ಹೇಗೋ ಸೆಕೆಂಡ್​ ಹ್ಯಾಂಡ್​ ಕಾರು ಸಿಗುತ್ತೆ ಎಂಬ ಖುಷಿಯಲ್ಲಿದ್ದ ನಾಗರಾಜು, ಹರೀಶ್​ನನ್ನು ನಂಬಿ 80 ಸಾವಿರ ರೂಪಾಯಿ ನೀಡಿದ್ದಾರೆ. ಬಳಿಕ ಕ್ವಾರ್ಟರ್ಸ್​ನ ಸಮೀಪ ಕಾರು ಪಾರ್ಕ್​ ಆಗಿದೆ ಎಂದು ಹರೀಶ್​ ಹೇಳಿದ್ದಾರೆ.

ಗಾಂಧಿ ಪ್ರತಿಮೆ ಬಳಿ ಬಿಕ್ಕಿ ಬಿಕ್ಕಿ ಅತ್ತ SP ನಾಯಕ: ವಿಡಿಯೋ ವೈರಲ್

ಇದನ್ನು ನಂಬಿ ನಾಗರಾಜು ಸ್ಥಳಕ್ಕೆ ತೆರಳಿದ್ದರೆ ಅಲ್ಲಿ ಕಾರು ಇರಲೇ ಇಲ್ಲ. ನಾಗರಾಜು, ಹರೀಶ್​ಗೆ ಕರೆ ಮಾಡುವಷ್ಟರಲ್ಲಿ ಆತ ಸಂಪರ್ಕಕ್ಕೆ ಸಿಗಲಿಲ್ಲ. ಈ ಸಂಬಂಧ ನಾಗರಾಜು ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ.