NEET-UG ಆಕಾಂಕ್ಷಿಗಳಿಗೆ ತಮ್ಮ ಯುಟ್ಯೂಬ್ ಚಾನೆಲ್ ಮೂಲಕ ಶಿಕ್ಷಣ ನೀಡುವ ರಕ್ಷಿತಾ ಸಿಂಗ್ ತಮ್ಮ ಜೀವಶಾಸ್ತ್ರದ ಪಾಠದ ವಿಡಿಯೋದಲ್ಲಿ ಅಸಭ್ಯವಾದ ಕಮೆಂಟ್ ಮಾಡಿದವರಿಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಸಂತಾನೋತ್ಪತ್ತಿ ಕ್ರಿಯೆಯ ಬಗ್ಗೆ ಆನ್ಲೈನ್ ಸೆಶನ್ ತೆಗೆದುಕೊಳ್ಳುತ್ತಿದ್ದ ಸಂದರ್ಭದಲ್ಲಿ ಕೆಲವರು ಕಮೆಂಟ್ನಲ್ಲಿ ಸಂತಾನೋತ್ಪತ್ತಿ ಪ್ರಕ್ರಿಯೆ ಹೇಗೆ ಮಾಡುವುದು ಅಂತಾ ಪ್ರಾಕ್ಟಿಕಲ್ ಆಗಿ ತೋರಿಸಿ ಅಂತಾ ಬರೆದಿದ್ದರು. ಈ ಅಸಭ್ಯ ಕಾಮೆಂಟ್ಗೆ ರಕ್ಷಿತಾ ಸಿಂಗ್ ಪ್ರತಿಕ್ರಿಯೆ ನೀಡಿದ್ದಾರೆ.
ನವನೀತ್ ಎಂಬ ಯುಟ್ಯೂಬ್ ಬಳಕೆದಾರರು ಮಕ್ಕಳು ಹೇಗೆ ಹುಟ್ಟುತ್ತಾರೆ..? ಪ್ರಾಯೋಗಿಕವಾಗಿ ತೋರಿಸಿ ಅಂತಾ ಕಮೆಂಟ್ ಮಾಡಿದ್ದಾರೆ. ಇದಕ್ಕೆ ಸೂಕ್ತ ಉತ್ತರ ನೀಡಿದ ರಕ್ಷಿತಾ ಸಿಂಗ್ ನಿಮ್ಮ ತಾಯಿಯಿಂದ ಕಲಿತುಕೊಳ್ಳಿ. ನಿಮ್ಮ ತಾಯಿ ಕೂಡ ಇದನ್ನೂ ಮಾಡಿದ್ದಾರೆ. ನಾನಂತೂ ಅವಿವಾಹಿತೆ. ಹೀಗಾಗಿ ನನಗೆ ಸಂತಾನೋತ್ಪತ್ತಿ ಕ್ರಿಯೆ ಬಗ್ಗೆ ಪ್ರ್ಯಾಕ್ಟಿಕಲ್ ಅನುಭವ ಇಲ್ಲ. ಆದರೆ ನಿನ್ನ ತಾಯಿ ಈ ಅನುಭವ ಹೊಂದಿದ್ದಾರೆ. ಹೀಗಾಗಿ ಅವರಲ್ಲಿಯೇ ಕೇಳಿ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿಯೂ ಈ ವಿಚಾರವನ್ನು ಶೇರ್ ಮಾಡಿರುವ ರಕ್ಷಿತಾ ಸಿಂಗ್, ಮಹಿಳಾ ಶಿಕ್ಷಕಿಯರು ಎಂದಿಗೂ ತಮ್ಮ ಮೇಲೆ ಬರುವ ಲೈಂಗಿಕ ಕಿರುಕುಳಗಳಿಗೆ ಹೆದರಿಕೊಳ್ಳಬಾರದು. ಆತ್ಮೀಯ ಶಿಕ್ಷಕಿಯರೇ ಎಂದಿಗೂ ಹಿಂಸೆಗೆ ಒಳಗಾಗಬೇಡಿ ಎಂದು ಕಿವಿಮಾತು ನುಡಿದಿದ್ದಾರೆ.
Loading ...