ಶ್ವಾನಗಳು ಮಾನವನ ಪಾಲಿಗೆ ಅತ್ಯಂತ ನಂಬಿಗಸ್ಥ ಪ್ರಾಣಿ ಅನ್ನೋ ಮಾತಿಗೆ ಸಾಕ್ಷ್ಯಗಳು ಸಾವಿರಾರು ಸಿಗ್ತವೆ. ಮಾಲೀಕನಿಗಾಗಿ ಶ್ವಾನಗಳು ಯಾವ ಸವಾಲನ್ನೂ ಎದುರಿಸೋಕೆ ಸಿದ್ಧವಾಗಿರುತ್ತವೆ. ಇದೇ ರೀತಿ ಉತ್ತರಾಖಂಡ್ನಲ್ಲೂ ಶ್ವಾನದ ಸ್ವಾಮಿನಿಷ್ಠೆಯ ಘಟನೆಯೊಂದು ಬೆಳಕಿಗೆ ಬಂದಿದೆ.
2 ವರ್ಷದ ಭುಟಿಯಾ ತಳಿಯ ಬ್ಲ್ಯಾಕಿ ಎಂಬ ಹೆಸರಿನ ಶ್ವಾನ ಹಿಮನದಿ ಸ್ಪೋಟದಿಂದ ಹಾನಿಗೊಳಗಾಗಿರುವ ತಪೋವನ ಡ್ಯಾಂನ ಸುರಂಗದ ಎದುರು ಕುಳಿತು ತನ್ನ ಮಾಲೀಕನಿಗಾಗಿ ಎದುರು ನೋಡಿದೆ. ಚಮೋಲಿ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ.
ಕಳೆದ ಮೂರು ದಿನಗಳಿಂದ ಈ ನಾಯಿ ಇದೇ ರೀತಿ ಕುಳಿತಿದ್ದು ತನ್ನ ಮಾಲೀಕರು ವಾಪಸ್ ಬರ್ತಾರೆ ಎಂದು ಕಾಯುತ್ತಿದೆ.
ಎನ್ಟಿಪಿಸಿಯ ಹೈಡಲ್ ಯೋಜನೆ ನಡೆಯುತ್ತಿರುವ ಪ್ರದೇಶದ ಬಳಿಯಲ್ಲೇ ಬ್ಲ್ಯಾಕಿ ಜನಿಸಿತ್ತು. ಇಲ್ಲಿನ ಕೆಲಸಗಾರರ ಜೊತೆಯೇ ಬೆಳೆದಿದ್ದ ಬ್ಲ್ಯಾಕಿ ಅವರನ್ನೆಲ್ಲಾ ಹಚ್ಚಿಕೊಂಡಿತ್ತು. ಆದರೆ ಹಿಮನದಿ ಸ್ಪೋಟದಿಂದ ಕಾರ್ಮಿಕರು ಕಣ್ಮರೆಯಾಗಿದ್ದಾರೆ. ಹೀಗಾಗಿ ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿರುವ ಸ್ಥಳದಲ್ಲೇ ಮೂರು ದಿನಗಳಿಂದ ಕಾದು ಕುಳಿತಿರುವ ಈ ಶ್ವಾನ ತನ್ನ ಪ್ರೀತಿಯ ಕಾರ್ಮಿಕರ ಆಗಮನಕ್ಕಾಗಿ ಕಾಯುತ್ತಿದೆ.
Loading ...