ಅಫ್ಘಾನಿಸ್ತಾನದ 10 ವರ್ಷದ ಬಾಲಕ 12 ದಿನಗಳ ಪ್ರಯಾಣದ ಬಳಿಕ ಅಮೆರಿಕದಲ್ಲಿರುವ ತನ್ನ ದತ್ತು ಪೋಷಕರನ್ನು ಭೇಟಿಯಾಗಲು ಯಶಸ್ವಿಯಾಗಿದ್ದಾನೆ.
ಬಹೌದ್ದೀನ್ ಮುಜ್ತಬಾ ಹಾಗೂ ಅವರ ಪತ್ನಿ ಲಿಸಾ 2016ರಲ್ಲಿ ಅಪ್ಘಾನಿಸ್ತಾನದಿಂದ ಫ್ಲೋರಿಡಾಗೆ ನಾರ್ಮನ್ನನ್ನು ಕರೆತರುವ ಸಲುವಾಗಿ ದತ್ತು ಪ್ರಕ್ರಿಯೆಯನ್ನು ಆರಂಭಿಸಿದ್ದರು.
ಆದರೆ ಅಫ್ಘಾನಿಸ್ತಾನದಲ್ಲಿ ನಿರ್ಬಂಧಗಳು ಹಾಗೂ ಭ್ರಷ್ಟಾಚಾರದ ಹಿನ್ನೆಲೆಯಲ್ಲಿ ಈ ಕೆಲಸವು ವಿಳಂಬಗೊಂಡಿತ್ತು.
ಅಫ್ಘಾನಿಸ್ತಾನ ಸರ್ಕಾರವು ಪತನಗೊಂಡು ತಾಲಿಬಾನ್ ಆಡಳಿತ ಆರಂಭಗೊಂಡ ಬಳಿಕ ಕೊನೆಗೂ ನಾರ್ಮನ್ ತನ್ನನ್ನು ದತ್ತು ಪಡೆದ ದೂರದ ಸಂಬಂಧಿ ಕೂಡ ಆಗಿದ್ದ ದಂಪತಿಯ ಬಳಿಗೆ ತೆರಳಿದ್ದಾನೆ.
ಅಫ್ಘಾನಿಸ್ತಾನದಲ್ಲಿ ನೆಲೆಸಿದ್ದ ಅಮೆರಿಕ ಕುಟುಂಬದ ಜೊತೆ ಮಿಲಿಟರಿ ವಿಮಾನದಲ್ಲಿ ನಾರ್ಮನ್ ಫ್ಲೋರಿಡಾಗೆ ತೆರಳಿದ್ದಾನೆ. ಆತ ಮನೆಗೆ ತಲುಪುವಲ್ಲಿ ಯಶಸ್ವಿಯಾದ್ದರಿಂದ ನಿಜಕ್ಕೂ ಈ ಪ್ರಯಾಣವು ಚೆನ್ನಾಗಿಯೇ ಇದ್ದಿರಬಹುದು. ಆದರೆ ಆತ ಮಿಲಿಟರಿ ವಿಮಾನದಲ್ಲಿ ಬಂದಿದ್ದಾನೆ. ಅಲ್ಲಿ ಜನರನ್ನು ಸಣ್ಣ ಮೀನುಗಳ ರಾಶಿಯಂತೆ ತುಂಬಲಾಗಿತ್ತು ಎಂದು ಬಹೌದ್ದೀನ್ ಹೇಳಿದ್ದಾರೆ.
ತಾಲಿಬಾನಿಗಳು ಗುಂಡಿನ ಮಳೆಗೈಯುತ್ತಿದ್ದ ಸ್ಥಳದಿಂದ ಅನತಿ ದೂರದಲ್ಲಿಯೇ ನಾರ್ಮನ್ ಇದ್ದ. ಅಲ್ಲಿ ಸಾಕಷ್ಟು ನೂಕಾಟ, ತಳ್ಳಾಟ, ಕಾಲ್ತುಳಿತಗಳು ಸಂಭವಿಸುತ್ತಿದ್ದವು. ಅಲ್ಲಿ ಅನೇಕರು ಗಾಯಗೊಂಡಿದ್ದಾರೆ ಹಾಗೂ ಸಾವನ್ನಪ್ಪಿದ್ದಾರೆ ಎಂದು ಬಹೌದ್ದೀನ್ ಹೇಳಿದ್ರು.
Loading ...