‘ಪುಷ್ಪ- 2’ ಚಿತ್ರದ 6 ನಿಮಿಷದ ದೃಶ್ಯಕ್ಕೆ 60 ಕೋಟಿ ಖರ್ಚು, ಒಟಿಟಿ ಹಕ್ಕುಗಳು 100 ಕೋಟಿಗೆ ಮಾರಾಟ..!

ಅಲ್ಲು ಅರ್ಜುನ್ ಪುಷ್ಪ -2 ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದು, ಈ ಚಿತ್ರವು ಈ ವರ್ಷದ ಬಹು ನಿರೀಕ್ಷಿತ ಸಿನಿಮವಾಗಿದೆ.

ಚಿತ್ರದ ಶೂಟಿಂಗ್ ಬಹಳ ಅದ್ದೂರಿಯಾಗಿ ಮಾಡಲಾಗುತ್ತಿದ್ದು, ಕೇವಲ ಆರು ನಿಮಿಷಗಳ ದೃಶ್ಯವನ್ನು ಚಿತ್ರೀಕರಿಸಲು ಚಿತ್ರತಂಡ ಸುಮಾರು 60 ಕೋಟಿ ರೂ.ಗಳನ್ನು ಖರ್ಚು ಮಾಡಿದೆ, ಈ ದೃಶ್ಯವು ಗಂಗಮ್ಮ ಜಾತ್ರಾ ಪ್ರದರ್ಶನ ಮತ್ತು ಫೈಟ್ ಸನ್ನಿವೇಶವನ್ನು ಒಳಗೊಂಡಿದೆಯಂತೆ.

ಇದರ ನಡುವೆ ಪುಷ್ಪಾ 2 ರ ಬಜೆಟ್ 500 ಕೋಟಿ ರೂ.ಗಳಾಗಿದೆ ಎಂದು ವರದಿಯಾಗಿದೆ. ಈ ಚಿತ್ರವು ಈಗಾಗಲೇ ವಿಶ್ವಾದ್ಯಂತ ಸಂಗೀತ ಹಕ್ಕುಗಳು ಮತ್ತು ಹಿಂದಿ ಸ್ಯಾಟಲೈಟ್ ಹಕ್ಕುಗಳನ್ನು ಟಿ-ಸೀರಿಸ್ಗೆ ೬೦ ಕೋಟಿ ರೂ.ಗೆ ಮಾರಾಟ ಮಾಡಿದೆ. ಸ್ಟಾರ್ ಮಾ ತೆಲುಗು ಸ್ಯಾಟಲೈಟ್ ಹಕ್ಕುಗಳನ್ನು ಪಡೆದುಕೊಂಡಿದೆ ಎಂದು ಹೇಳಲಾಗುತ್ತಿದೆ.. ಏತನ್ಮಧ್ಯೆ, ನೆಟ್ಫ್ಲಿಕ್ಸ್ 100 ಕೋಟಿ ರೂ.ಗಳನ್ನು ಪಾವತಿಸುವ ಮೂಲಕ ಡಿಜಿಟಲ್ ಸ್ಟ್ರೀಮಿಂಗ್ ಹಕ್ಕುಗಳನ್ನು ತಂದಿದೆ ಎಂದು ವರದಿಯಾಗಿದೆ.

ಈ ವಾರದ ಆರಂಭದಲ್ಲಿ, ಪುಷ್ಪ 2 ರ ಮೊದಲ ಟೀಸರ್ ಅನ್ನು ಅಭಿಮಾನಿಗಳು ವೀಕ್ಷಿಸಿದರು. ಅಲ್ಲು ಅರ್ಜುನ್ ಅವರ ಹುಟ್ಟುಹಬ್ಬದಂದು ಸುಕುಮಾರ್ ನಿರ್ದೇಶನದ ಪುಷ್ಪ 2 ಚಿತ್ರದ ಮೊದಲ ಟೀಸರ್ ಅನ್ನು ತಂಡ ಬಿಡುಗಡೆ ಮಾಡಿದೆ.